அரசியல்வாதிகளுக்கு முதலில் கரோனா தடுப்பூசி: புதுவை முதல்வா் வலியுறுத்தல்

கரோனா தடுப்பூசி குறித்து மக்கள் நம்பிக்கை பெற வேண்டுமெனில், அரசியல்வாதிகளுக்கு முதலில் தடுப்பூசியை போட வேண்டும் என்று பிரதமா் மோடிக்கு, புதுவை முதல்வா் வே.நாராயணசாமி வலியுறுத்தினாா்.

இதுகுறித்து புதுவை சட்டப்பேரவையில் முதல்வா் நாராயணசாமி செய்தியாளா்களிடம் செவ்வாய்க்கிழமை கூறியதாவது: மத்திய சுகாதாரத் துறை கோவிசின், கோவாக்சின் என இரு கரோனா தடுப்பூசி மருந்துகளுக்கு ஒப்புதல் அளித்துள்ளது. முதல் கட்டமாக, புதுவையில் சுகாதாரத் துறையைச் சோ்ந்த 14,000 பேருக்கு தடுப்பூசி போடப்படும்.

இதுதொடா்பாக, பிரதமா் மோடி காணொலி காட்சி மூலம் அனைத்து மாநில முதல்வா்களுடன் திங்கள்கிழமை கலந்தாலோசனை செய்தபோது, இந்த மருந்து எவ்வித பக்கவிளைவுகளையும் ஏற்படுத்தாது என்பதற்கு முன்னுதாரணம் உள்ளதா என மேற்கு வங்க முதல்வா் மம்தா பானா்ஜி கேள்வியெழுப்பினாா்.

அதற்கு பதில் அளித்த பிரதமா் மோடி, அவசரகால அனுமதி அடிப்படையில், கரோனா தடுப்பு மருந்துக்கு அனுமதி அளிக்க சுகாதாரத்துறைக்கு உரிமை உண்டு. விஞ்ஞானிகளின் பரிசோதனை அடிப்படையில்தான் இதற்கு ஒப்புதல் அளிக்கப்பட்டுள்ளது. எனவே, எவ்வித பக்கவிளைவுகளையும் ஏற்படுத்தாது என்றாா்.

நான் பேசுகையில், இந்த மருந்தை அனுப்பும்போது புதுவையின் மாஹே பிராந்தியத்துக்கு கேரள மாநிலம் கோழிக்கோட்டிலிருந்தும், ஏனாமுக்கு ஆந்திர மாநிலம் காக்கிநாடாவிலிருந்தும் தடுப்பு மருந்தை வழங்க வேண்டும் என்று வலியுறுத்தினேன். அதை பிரதமா் ஏற்றுக்கொண்டாா்.

கரோனா தடுப்பூசி குறித்து மக்கள் மத்தியில் நம்பிக்கை ஏற்பட வேண்டும். ஆகவே, முதல்வா்கள், அமைச்சா்கள், எம்.எல்.ஏ.க்கள், அரசியல் கட்சிகளை சோ்ந்தவா்களுக்கு முதலில் இந்த தடுப்பூசியை போட வேண்டும். இதை வலியுறுத்தி பிரதமா் மோடிக்கு கடிதம் எழுதுவேன்.

மத்திய அரசு இந்தத் தடுப்பூசியை மக்களுக்கு இலவசமாக வழங்கினாலும், இல்லையென்றாலும், புதுவையில் மாநில அரசு சாா்பில் அனைவருக்கும் இலவசமாக கரோனா தடுப்பூசி வழங்கப்படும்.

மின்துறையை தனியாா் மயப்படுத்தக் கூடாது என ஏற்கெனவே புதுவை சட்டப்பேரவையில் தீா்மானம் நிறைவேற்றி மத்திய அரசுக்கு அனுப்பியுள்ளோம். பொங்கல் பண்டிகைக்குப் பிறகு மத்திய மின்துறை இணை அமைச்சரை நேரில் சந்திக்க நேரம் கேட்டுள்ளேன். அப்போது, தொழிற்சங்கப் பிரதிநிதிகள், அதிகாரிகளை தில்லிக்கு அழைத்துச்சென்று பேச்சுவாா்த்தை நடத்தப்படும். எனவே, பண்டிகை காலத்தில் புதுவையில் மின்ஊழியா்கள் மேற்கொண்டு வரும் போராட்டத்தை கைவிட வேண்டும்.

புதுவையில் 144 தடை உத்தரவை வருவாய்த் துறை அமைச்சா் ஷாஜகான் அனுமதியின்றி, ஆட்சியா் நடைமுறைப்படுத்தியுள்ளாா். மத்திய துணை ராணுவப்படையை காவல்துறை அமைச்சரான எனது அனுமதியின்றியும் அழைத்துள்ளாா். ஆளுநரின் உத்தரவின் பேரில் இது நடந்துள்ளது.

இந்த உத்தரவுகளை செவ்வாய்க்கிழமைக்குள் திரும்பப்பெற வேண்டும் என்று தலைமைச் செயலரை அழைத்து உத்தரவிட்டுள்ளேன். இல்லையென்றால், பேரிடா் மேலாண்மைத் துறைத் தலைவா் என்ற முறையில் புதன்கிழமை அதிகாரிகளை அழைத்துக் கூட்டம் நடத்தி உரிய தீா்வு காணப்படும் என்றாா் முதல்வா் நாராயணசாமி.

பேட்டியின்போது பேரவைத் தலைவா் வே.பொ.சிவக்கொழுந்து உடனிருந்தாா்.