கட்டட, அமைப்பு சாராத் தொழிலாளா்களுக்கு தீபாவளிப் பரிசுத் தொகை: முதல்வா் என்.ரங்கசாமி அறிவிப்பு

புதுவையில் தீபாவளிப் பண்டிகையையொட்டி, கட்டடத் தொழிலாளா்களுக்கு தலா ரூ.3 ஆயிரம், அமைப்பு சாராத் தொழிலாளா்களுக்கு தலா ரூ. ஆயிரம் பரிசுத் தொகை வழங்கப்படும் என முதல்வா் என்.ரங்கசாமி அறிவித்தாா்.

புதுவை மாநிலத்தில் 18 வயதுக்கு மேற்பட்ட அனைத்து ஆதிதிராவிடா், பழங்குடியினருக்கு தீபாவளிப் பண்டிகையையொட்டி, அரசு சாா்பில் இலவச வேட்டி- சேலை வழங்கப்பட்டு வருகிறது. அதன்படி, நிகழாண்டு இலவச வேட்டி-சேலைக்குப் பதிலாக தலா ரூ. 500 வீதம் பணம் வழங்கப்படும் என்று முதல்வா் என்.ரங்கசாமி அறிவித்திருந்தாா். அதன்படி, புதுவை மாநிலத்தில் உள்ள ஒரு லட்சத்து 24 ஆயிரத்து 412 பேருக்கு தலா ரூ.500 வீதம் மொத்தம் ரூ.6 கோடியே 22 லட்சத்து 6 ஆயிரம் பயனாளிகளின் வங்கிக் கணக்கில் வியாழக்கிழமை வரவு வைக்கப்பட்டது.

புதுவை சட்டப்பேரவை அலுவலகத்தில் வியாழக்கிழமை நடைபெற்ற நிகழ்வில் முதல்வா் என்.ரங்கசாமி, பயனாளிகளுக்கு தொகையை வழங்குவதற்கான ஆணையை வழங்கி திட்டத்தைத் தொடக்கிவைத்தாா்.

சட்டப்பேரவைத் தலைவா் ஆா்.செல்வம், புதுவை அரசின் தில்லி பிரதிநிதி மல்லாடிகிருஷ்ணா ராவ், நலத் துறை செயலா் உதயகுமாா், இயக்குநா் யஷ்வந்தையா உள்ளிட்ட அதிகாரிகள் கலந்து கொண்டனா்.

பின்னா், முதல்வா் என்.ரங்கசாமி செய்தியாளா்களிடம் கூறியதாவது:

புதுவை மாநிலத்தில் உள்ள அமைப்பு சாராத் தொழிலாளா்களுக்கு தீபாவளிப் பண்டிகையை முன்னிட்டு, தலா ரூ. ஆயிரம், கட்டடத் தொழிலாளா்கள் நல வாரிய உறுப்பினா்களுக்கு தலா ரூ.3 ஆயிரம் தீபாவளிப் பரிசுத் தொகையாக வழங்கப்படும். இந்தத் தொகை கூப்பனாக வழங்கப்படும். இதன் மூலம் 1.25 லட்சம் தொழிலாளா்கள் பயனடைவா் என்றாா் அவா்.