புதுச்சேரியில் தீபாவளிக்கு மறுநாள் விடுமுறை

புதுச்சேரி: புதுச்சேரியில் தீபாவளிக்கு மறுநாளான நவம்பர் 13-ஆம் தேதி(திங்கள்கிழமை) அரசு விடுமுறை அறிவிக்கப்பட்டுள்ளது.

நடப்பாண்டு தீபாவளி பண்டிகையானது வருகின்ற நவம்பர் 12-ஆம் தேதி (ஞாயிற்றுக்கிழமை) கொண்டாடப்படவுள்ளது.

ஞாயிற்றுக்கிழமை என்பதால் திங்கள்கிழமை வழக்கம்போல் பள்ளி, அலுவலகங்கள் செயல்படும் சூழல் உள்ளது. இதன் காரணமாக பண்டிகை நாளன்று இரவே சொந்த ஊர்களில் இருந்து புறப்பட வேண்டியுள்ளதால் திங்கள்கிழமை பொது விடுமுறை அளிக்க கோரிக்கை வைக்கப்பட்டது.

இதையும் படிக்க | அதிமுக சின்னம், கொடி, பெயரைப் பயன்படுத்த ஓபிஎஸ்ஸுக்குத் தடை! - சென்னை உயர்நீதிமன்றம்

இந்த கோரிக்கையை ஏற்று தமிழக அரசு விடுமுறை அறிவித்த நிலையில், புதுச்சேரியிலும் பொது விடுமுறை அளிப்பதாக முதல்வர் ரங்கசாமி தெரிவித்துள்ளார்.