உப்பனாறு பாலப் பணி தொடங்கக் கோரி அதிமுக ஆா்ப்பாட்டம்

புதுச்சேரியில் உள்ள உப்பனாறு பாலப் பணியைத் தொடங்க வலியுறுத்தி அதிமுக சாா்பில் வியாழக்கிழமை கண்டன ஆா்ப்பாட்டம் நடைபெற்றது.

புதுச்சேரியில் உப்பனாறு கால்வாயில் காமராஜா் சாலை, மறைமலையடிகள் சாலையை இணைத்து கடந்த 2006- ஆம் ஆண்டு மேம்பாலப் பணி தொடங்கியது.

ஆனால், பணிகள் இன்னும் நிறைவடையவில்லை. பாலப் பணியை ரூ.27 கோடியில் தொடங்கிய நிலையில், தற்போது ரூ.95 கோடியில் நிறைவடையும் நிலை ஏற்பட்டுள்ளது. எனவே, மக்கள் வரிப்பணம் வீணடிக்கப்பட்டதாக அதிமுக குற்றஞ்சாட்டி உரிய விசாரணை நடத்தவும் வலியுறுத்தி வருகிறது.

இந்த நிலையில், உப்பனாறு மேம்பாலப் பணியை விரைந்து முடிக்கக் கோரி அதிமுக சாா்பில் உப்பனாறு வாய்க்கால் அருகே வியாழக்கிழமை ஆா்ப்பாட்டம் நடைபெற்றது. ஆா்ப்பாட்டத்துக்கு, அதிமுக மாநிலச் செயலா் ஆ.அன்பழகன் தலைமை வகித்து பேசினாா்.

உப்பனாறு பாலப் பணிகளை உடனடியாக தொடங்க வேண்டும் என ஆா்ப்பாட்டத்தில் அதிமுகவினா் முழக்கங்களை எழுப்பினா். இதில், அதிமுக நிா்வாகிகள் ஏராளமானோா் கலந்துகொண்டனா்.