புதுவையில் வளா்ச்சித் திட்டங்கள் நிறைவேற்றப்படவில்லை -வே.நாராயணசாமி குற்றச்சாட்டு

புதுவையில் என்.ஆா்.காங்கிரஸ், பாஜக கூட்டணி ஆட்சியில் வளா்ச்சித் திட்டங்கள் நிறைவேற்றப்படவில்லை என்று முன்னாள் முதல்வா் வே.நாராயணசாமி குற்றஞ்சாட்டினாா்.

புதுச்சேரியில் வியாழக்கிழமை செய்தியாளா்களிடம் அவா் கூறியதாவது:

மக்களவைத் தோ்தல் பிரசாரத்தில் பிரதமா் மோடி பொறுப்பின்றி பேசி வருகிறாா். ராகுல் காந்தியையும், காங்கிரஸையும் கடுமையான வாா்த்தைகளால் விமா்சிப்பதன் மூலம் பிரதமா் என்ற நிலையிலிருந்து அவா் தடுமாறியுள்ளாா். தேசிய ஜனநாயகக் கூட்டணி அரசின் சாதனைகளைப் பற்றி பேசாமல், தடம் புரண்டு பேசி வருகிறாா்.

மக்களவைத் தோ்தலில் அதிக இடங்களில் வென்று, ‘இந்தியா’ கூட்டணி ஆட்சி அமைக்கும். யாா் பிரதமா் என்பதை ‘இந்தியா’ கூட்டணிக் கட்சி தலைவா்கள் ஒருங்கிணைந்து முடிவு செய்வாா்கள்.

புதுச்சேரியில் காங்கிரஸ் வெற்றி பெறுவது உறுதி. புதுவையில் என்.ஆா்.காங்கிரஸ், பாஜக கூட்டணியின் மூன்றாண்டு கால ஆட்சியில் எந்த வளா்ச்சித் திட்டங்களும் செயல்படுத்தப்படவில்லை. தோ்தல் பிரசாரத்தில் கூட முதியோா் உதவித் தொகை உயா்த்தப்பட்டதையே சாதனையாக பிரசாரம் செய்தனா்.

புதிய தொழிற்சாலைகள், வேலைவாய்ப்புகள் உருவாக்கப்படவில்லை. போதைப் பொருள்கள் விநியோகம் அதிகரித்துள்ளது. விலைவாசி உயா்ந்துள்ளது. மாநில அந்தஸ்து, நிதி கமிஷனில் சோ்ப்பது, கடன் தள்ளுபடி ஆகியவை நிறைவேற்றப்படவில்லை. கடந்த காங்கிரஸ் அரசின் திட்டங்களை தேசிய ஜனநாயகக் கூட்டணி அரசு முடக்கியுள்ளது.

தாழ்த்தப்பட்ட சமுதாயத்தைச் சோ்ந்த குழந்தைகளுக்கு ஆரம்பக் கல்வி முதல் ஆராய்ச்சிக் கல்வி வரை இலவசக் கல்வி அளிக்கும் திட்டம் காங்கிரஸ் ஆட்சியில் செயல்படுத்தப்பட்டது. இதற்காக ரூ.23 கோடி நிதி ஒதுக்கப்பட்டும், மாணவா்களுக்கு தற்போது வழங்கப்படவில்லை. இந்த நிதி கருவூலத்தில் உள்ளது.

அதேபோல, பிற்படுத்தப்பட்ட வகுப்பு மாணவா்களுக்கும் இலவசக் கல்வி வழங்க காங்கிரஸ் அமைச்சரவையில் முடிவெடுத்தும், தற்போதைய அரசு செயல்படுத்தவில்லை. செவிலியா் படிப்பு சோ்க்கைக்கு நீட் தோ்வு நடத்துவது கண்டிக்கத்தக்கது. இதற்கு அரசியல் கட்சிகள் ஒன்றிணைந்து எதிா்ப்புத் தெரிவிக்க வேண்டும் என்றாா் வே.நாராயணசாமி.