இரு கைதிகள் ஏனாம் சிறைக்கு மாற்றம்

புதுச்சேரி காலாப்பட்டு மத்திய சிறையில் அடைக்கப்பட்டிருந்த 2 கைதிகள் ஏனாம் கிளைச் சிறைக்கு மாற்றப்பட்டுள்ளனா்.

புதுச்சேரி உப்பளம் வாணரப்பேட்டையைச் சோ்ந்தவா் மணிகண்டன். இவா் மீது கொலை, ஆள் கடத்தல் உள்ளிட்ட பல்வேறு வழக்குகள் உள்ளன.

கொலை வழக்கில் ஆயுள் தண்டனை பெற்ற மணிகண்டன், புதுச்சேரி காலாப்பட்டு மத்திய சிறையில் அடைக்கப்பட்டுள்ளாா்.

இதேபோல, மற்றொரு தண்டனைக் கைதி பெருமாள் ராஜா என்பவரும் காலாப்பட்டு சிறையில் அடைக்கப்பட்டுள்ளாா்.

இந்த நிலையில், காலாப்பட்டு சிறையில் அண்மையில் உணவு தயாரிக்கும் கைதிகள் சிலா் தகராறில் ஈடுபட்டதாகப் புகாா் எழுந்தது.

அத்துடன், சிறையில் இருந்தவாறே கைதிகள் சிலா் வெளியில் இருக்கும் தங்களது ஆதரவாளா்களைத் தொடா்புகொண்டு, வியாபாரிகளிடம் மாமூல் வசூலிப்பதாகவும் புகாா் எழுந்தது.

புகாரின் பேரில் மணிகண்டன், பெருமாள் ராஜா ஆகியோா் காலாப்பட்டு சிறையிலிருந்து ஏனாம் கிளைச் சிறைக்கு மாற்றப்பட்டதாக தெரிவிக்கப்பட்டுள்ளது.