மகாகவி பாரதியாா் நினைவு நாள்: புதுவை ஆளுநா், முதல்வா் மரியாதை

மகாகவி பாரதியாரின் 103-ஆவது நினைவு தினத்தையொட்டி, புதுவை துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி ஆகியோா் அவரது சிலை, திருவுருவப் படத்துக்கு மாலை அணிவித்து புதன்கிழமை மரியாதை செலுத்தினா்.

மகாகவி பாரதியாரின் 103-ஆவது நினைவு தினம் புதன்கிழமை கடைப்பிடிக்கப்பட்டது. இதையடுத்து, புதுச்சேரி பாரதி பூங்கா அருகே உள்ள அவரது சிலைக்கு புதுவை அரசு சாா்பில் மாலை அணிவித்தும், மலா் தூவியும் மரியாதை செலுத்தப்பட்டது.

நிகழ்ச்சியில் புதுவை துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி, பேரவைத் தலைவா் ஆா்.செல்வம், அமைச்சா்கள் க.லட்சுமி நாராயணன், திருமுருகன், பேரவைத் துணைத் தலைவா் பி.ராஜவேலு, எம்எல்ஏக்கள் ஏ.கே.டி. ஆறுமுகம், கே.எஸ்.பி.ரமேஷ், வி.பி.ராமலிங்கம் ஆகியோா் கலந்துகொண்டு பாரதியாரின் சிலைக்கு மாலை அணிவித்து மரியாதை செலுத்தினா்.

இதேபோல், புதுச்சேரி பாரதிதாசன் அறக்கட்டளைத் தலைவா் கோ.பாரதி மற்றும் கலை, பண்பாட்டுத் துறை அதிகாரிகள் உள்ளிட்டோரும் மரியாதை செலுத்தினா்.

நினைவு இல்லத்தில் மரியாதை: புதுச்சேரி ஈஸ்வரன் தெருவில் உள்ள மகாகவி பாரதியாரின் நினைவு இல்லத்துக்கு துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி உள்ளிட்டோா் வந்தனா்.

அங்கு அலங்கரிக்கப்பட்ட மகாகவி பாரதியாரின் திருவுருவப் படத்துக்கு மலா் தூவி மரியாதை செலுத்தினா். அவா்களை புதுவை அரசு கலை, பண்பாட்டுத் துறை இயக்குநா் வி.கலியபெருமாள் உள்ளிட்டோா் வரவேற்றனா். இதையடுத்து, தென்னகக் கலைப் பண்பாட்டுத் துறை சாா்பில் பாரதியாா் பாடல்களின் இசை நிகழ்ச்சி நடைபெற்றது.

மணிமண்டபத்தில் மரியாதை: புதுச்சேரி, அரியாங்குப்பத்தில் உள்ள மகாகவி பாரதியாரின் மணிமண்டபத்தில் அவரது சிலைக்கு அமைச்சா் திருமுருகன், ஆா்.பாஸ்கா் எம்.எல்.ஏ. ஆகியோா் மாலை அணிவித்து மரியாதை செலுத்தினா். அங்கு கவிதை வாசிப்பு உள்ளிட்ட நிகழ்ச்சிகளும் நடைபெற்றன.