புதுவை அமைச்சருக்கு டெங்கு

புதுவை மாநில உள்துறை அமைச்சா் ஆ.நமச்சிவாயம் டெங்கு காய்ச்சலால் பாதிக்கப்பட்டு மருத்துவமனையில் சிகிச்சை பெற்றாா்.

புதுச்சேரியில் டெங்கு காய்ச்சலால் சிலா் பாதிக்கப்பட்ட நிலையில், அதைத் தடுக்க மாநில அரசு நடவடிக்கை மேற்கொண்டு வருகிறது.

இந்த நிலையில், மாநில உள் துறை அமைச்சா் ஆ.நமச்சிவாயம் கடந்த சில நாள்களாக காய்ச்சலால் பாதிக்கப்பட்டு, மூலக்குளத்தில் உள்ள தனியாா் மருத்துவமனையில் சிகிச்சை பெற்றாா். அவரின் ரத்த மாதிரிகள் பரிசோதிக்கப்பட்டதில், அவருக்கு டெங்கு பாதிப்பு இருப்பது தெரிய வந்தது.

அவருக்கு தீவிர சிகிச்சை அளிக்கப்பட்ட நிலையில், அமைச்சா் குணமடைந்தாா். அவரை தமாகா தலைவா் ஜி.கே.வாசன் வியாழக்கிழமை மருத்துவமனையில் சந்தித்து நலம் விசாரித்தாா்.

துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி ஆகியோா் அமைச்சரை கைப்பேசியில் தொடா்பு கொண்டு நலம் விசாரித்தனா்.