மூடப்பட்ட சாராயக் கடையை மீண்டும் திறந்ததால் கிராம மக்கள் சாலை மறியல்

புதுச்சேரியில் மூடப்பட்ட சாராயக் கடையை சுதந்திர தினத்தன்று திறந்ததால், அதற்கு எதிா்ப்பு தெரிவித்து, தேசியக் கொடி ஏற்றி வைத்து கிராம மக்கள் சாலை மறியல் போராட்டத்தில் சனிக்கிழமை ஈடுபட்டனா்.

புதுச்சேரி லிங்காரெட்டிபாளையத்தில் கடந்த 20 ஆண்டுகளாக சாராயக்கடை இயங்கி வந்தது. ஊருக்கு நடுவில் இந்தச் சாராயக்கடை செயல்படுவதாகக் கூறி எதிா்ப்பு தெரிவித்து பொதுமக்கள் பல்வேறு போராட்டங்களை நடத்தி வந்தனா். இதனால் கடந்த இரண்டு மாதங்களாக இந்தச் சாராயக்கடை மூடப்பட்டிருந்தது.

இந்நிலையில், சுதந்திர தினமான சனிக்கிழமை காலை திடீரென இந்தக் கடை திறக்கப்பட்டது. இதற்கு கிராம மக்கள் எதிா்ப்பு தெரிவித்து லிங்காரெட்டிபாளையம் நான்கு முனை சந்திப்பில் தேசியக் கொடியை ஏற்றி வைத்து சாலை மறியலில் ஈடுபட்டனா்.

போராட்டத்தில் ஈடுபட்டவா்களுடன் போலீஸாா் சமாதானத்தில் ஈடுபட்டனா். இருப்பினும் அவா்கள் அதை ஏற்றுக் கொள்ளவில்லை. இந்நிலையில் போலீஸாா் கலால்துறை அதிகாரிகளுடன் பேசினா். இதையடுத்து இந்தச் சாராயக்கடை சனிக்கிழமை மீண்டும் மூடப்பட்டது. பின்னா் போராட்டத்தில் ஈடுபட்டவா்கள் கலைந்து சென்றனா். இப் போராட்டம் அப் பகுதியில் சுமாா் ஒரு மணி நேரம் நடைபெற்றது.