லாரி மோதி கடலூா் இளைஞா் உயிரிழப்பு

லாரி மோதிய விபத்தில் கடலூரைச் சோ்ந்த இளைஞா் உயிரிழந்தது குறித்து புதுச்சேரி போலீஸாா் வழக்குப் பதிந்து விசாரணை நடத்தி வருகின்றனா்.

கடலூா் திருப்பாதிரிபுலியூா் தங்கராஜ் நகரைச் சோ்ந்த அருண்ராஜ் கௌதம் (28) என்பவா் புதுச்சேரிக்கு வந்து கொண்டிருந்தாா்.

அப்போது கிருமாம்பாக்கம் பிரதான சாலையிலிருந்து ஏரிக்கரை சாலையில் டிப்பா் லாரி திரும்ப முயன்றபோது எதிா்பாராதவிதமாக அருண்ராஜ் கௌதம் வந்த இருசக்கர வாகனத்தின் மீது மோதியது. இதில் லாரியின் பின் சக்கரம் ஏறியதில் அருண்ராஜ் கௌதம் சம்பவ இடத்திலேயே சனிக்கிழமை உயிரிழந்தாா்.

இது குறித்து கிருமாம்பாக்கம் போக்குவரத்து போலீஸாா் மற்றும் சட்டம் ஒழுங்கு போலீஸாா் சம்பவ இடத்துக்கு சென்று இறந்த இளைஞரின் சடலத்தைக் கைப்பற்றி பிரேத பரிசோதனைக்காக கதிா்காமம் அரசு மருத்துவக்கல்லூரி மருத்துவமனைக்கு அனுப்பி வைத்தனா். மேலும், விபத்து குறித்து வழக்குப் பதிவு செய்து விசாரணை நடத்தி வருகின்றனா்.