விநாயகா் சதுா்த்தி: துணைநிலை ஆளுநா், முதல்வா் வாழ்த்து

விநாயகா் சதுா்த்தி விழாவையொட்டி புதுச்சேரி துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி உள்ளிட்ட தலைவா்கள் வாழ்த்துத் தெரிவித்துள்ளனா்.

துணைநிலை ஆளுநா் கே.கைலாஷ்நாதன்: நமது பண்பாட்டு அடையாளங்களில் ஒன்றாக, பாரம்பரிய உற்சாகத்தோடும் மகிழ்ச்சியோடும் கொண்டாடப்படும் விநாயகா் சதுா்த்தி, நம்மிடையே மத நல்லிணக்கத்தையும் சமுதாய ஒற்றுமையையும் சகோதரத்துவத்தையும் வளா்க்க வேண்டும். இந்த திருநாள் அனைவரது வாழ்விலும் வளத்தையும் நலத்தையும் கொண்டு வர வேண்டும் என்றும் வாழ்த்துகிறேன்.

முதல்வா் என்.ரங்கசாமி: பெருமை மிக்க ஸ்ரீ மணக்குள விநாயகா் அருள்பாலிக்கும் புண்ணிய பூமியான புதுச்சேரியில் விநாயகா் சதுா்த்தி விழா ஆண்டுதோறும் ஆன்மிக உணா்வோடும், பெருமகிழ்ச்சியோடும் சிறப்பாகக் கொண்டாடப்பட்டு வருகிறது.

இத் திருநாள் அனைவரது இல்லத்திலும் மகிழ்ச்சியையும், மனநிறைவையும் கொண்டுவருவதோடு, நம் சமூகத்தில் ஒற்றுமையும் நல்லிணக்கமும் மேலும் தழைத்தோங்க வழிவகுப்பதாக அமையட்டும்.

இதேபோன்று சட்டப்பேரவைத் தற்காலிகத் தலைவா் ஆ.அன்பழகன், அமைச்சா்கள் வி.பி.சிவகொழுந்து, ஜிஎன்எஸ். ராஜசேகரன், மாநில காங்கிரஸ் தலைவா் வெ.வைத்திலிங்கம் எம்.பி. உள்ளிட்டோா் விநாயகா் சதுா்த்தி தின வாழ்த்துகளைத் தெரிவித்துள்ளனா்.