பரிகம் முத்துமாரியம்மன் கோயில் தேரோட்டம்

சின்னசேலம் வட்டம், பரிகம் பழைய காலனி முத்துமாரியம்மன் கோயில் தேரோட்டம் புதன்கிழமை நடைபெற்றது. 
இந்தக் கோயில் திருவிழா செப். 5 -அன்று தொடங்கி தொடங்கியது. இதையொட்டி, நாள்தோறும் இரவில்  அம்மன் திருவீதி உலா நடைபெற்றன. செவ்வாய்க்கிழமை காத்தவராயன் கழுகு மரம் ஏறுதல், இரவு வாண வேடிக்கை நடைபெற்றது. 
இதைத் தொடர்ந்து, புதன்கிழமை தேரோட்டம் நடைபெற்றது. இதில், திரளான பக்தர்கள் பங்கேற்று தேரை வடம் பிடித்து நேர்த்திக் கடன் செலுத்தினர். விழாவுக்கான ஏற்பாடுகளை கோயில் நிர்வாகத்தினர், பொதுமக்கள் செய்திருந்தனர்.