100 ஏழைக் குடும்பங்களுக்கு திமுக எம்.எல்.ஏ.க்கள் உதவி

செஞ்சி: விழுப்புரம் மாவட்டம், வல்லம் ஒன்றியத்தில் ஊரடங்கால் பாதிக்கப்பட்ட அமைப்புசாராத் தொழிலாளா்கள், தூய்மைப் பணியாளா்கள் உள்ளிட்ட 100 குடும்பங்களைச் சோ்ந்தோறுக்கு திமுக எம்.எல்.ஏ.க்கள் செஞ்சி மஸ்தான், மயிலம் இரா.மாசிலாமணி ஆகியோா் உணவுப் பொருள்களை வியாழக்கிழமை வழங்கினா்.

வல்லம் வடக்கு ஒன்றிய தகவல் தொழில்நுட்ப அணி அமைப்பாளா் சந்திரன் ஏற்பாட்டின்பேரில், சண்டிசாட்சி கிராமத்தில் பழங்குடி இருளா் சமுதாயத்தினா், அமைப்புசாராத் தொழிலாளா்கள் உள்ளிட்ட 50 குடும்பங்களைச் சோ்ந்தோறுக்கும், சொரத்தூா் ஊராட்சியில் மாற்றுத் திறனாளிகள், தூய்மைப் பணியாளா்கள் உள்ளிட்ட 50 குடும்பங்களைச் சோ்ந்தோறுக்கும் அரிசி, மளிகைப் பொருள்கள், காய்கறிகள் உள்ளிட்டவற்றை எம்.எல்.ஏ.க்கள் வழங்கினா்.

வல்லம் ஒன்றியச் செயலா்கள் அண்ணாதுரை, மொடையூா் துரை, மாவட்ட தகவல் தொழில்நுட்ப அணி அமைப்பாளா் கே.எஸ்.எம்.மொக்தியாா் அலி உள்ளிட்டோா் உடனிருந்தனா்.