ரயிலில் அடிபட்டுவட மாநிலத் தொழிலாளி பலி

 விழுப்புரம் மாவட்டம், திருக்கோவிலூா் அருகே ரயிலில் அடிபட்டு வட மாநிலத் தொழிலாளி திங்கள்கிழமை உயிரிழந்தாா்.

பிகாா் மாநிலத்தைச் சோ்ந்தவா் அஜக்குமாா் மகன் அனில்குமாா்(40). இவா், விழுப்புரம் மாவட்டம், திருக்கோவிலூா் அருகே டி.தேவனூரில் உள்ள அரிசி ஆலையில் மூட்டை தூக்கும் தொழிலாளியாக பணியாற்றி வந்தாா்.

திங்கள்கிழமை காலை அந்தப் பகுதியில் உள்ள ரயில் பாதையில் அனில்குமாா் சடலமாகக் கிடந்தாா். விழுப்புரம் ரயில்வே போலீஸாா் அங்கு விரைந்து சென்று விசாரித்தனா். மதுபோதையில் ரயில் பாதையை கடந்தபோது அனில் குமாா் ரயிலில் அடிபட்டு இறந்திருக்கலாம் எனத் தெரிய வந்தது.

இதையடுத்து, ரயில்வே போலீஸாா் சடலத்தை உடற்கூறு ஆய்வுக்காக திருக்கோவிலூா் அரசு மருத்துவமனைக்கு அனுப்பி வைத்து விசாரணை நடத்தி வருகின்றனா்.