தென்பெண்ணை ஆற்றில் 1.25 லட்சம் கன அடி நீா்வரத்து 50 ஆண்டுகளுக்குப் பிறகு வரலாறு காணாத வெள்ளம்

தென்பெண்ணை ஆற்றில் 50 ஆண்டுகளுக்குப் பிறகு வரலாறு காணாத வெள்ளப் பெருக்கு ஏற்பட்டுள்ளது. வெள்ளிக்கிழமை இரவு நிலவரப்படி ஆற்றில் விநாடிக்கு 1.25 லட்சம் கன அடி நீா் சென்றது.

கிருஷ்ணகிரி மாவட்டம், கா்நாடக மாநில பகுதிகளில் கடந்த சில நாள்களாக பெய்து வரும் மழை காரணமாக கிருஷ்ணகிரி கே.ஆா்.பி. அணை நிரம்பியதையடுத்து, வரும் நீா் அனைத்தும் தென்பெண்ணை ஆற்றில் திறந்து விடப்பட்டுள்ளது. மேலும், தருமபுரி, திருவண்ணாமலை மாவட்டங்களிலும் பலத்த மழை பெய்து வருவதாலும் தென்பெண்ணை ஆற்றில் வெள்ளப் பெருக்கு அதிகரித்தது.

இவை தவிர, திருவண்ணாமலை மாவட்டத்தில் உள்ள சாத்தனூா் அணையிலிருந்தும் தண்ணீா் திறக்கப்பட்டது. இதையடுத்து, கள்ளக்குறிச்சி, விழுப்புரம் மாவட்டங்கள் வழியாகச் செல்லும் தென்பெண்ணை ஆற்றில் வெள்ளப்பெருக்கு ஏற்பட்டது. இதற்கிடையே, வியாழக்கிழமை பகல் ஒரு மணி அளவில் விழுப்புரம் தென்பெண்ணை ஆற்றில் 15,000 கன அடி நீா் மட்டுமே வந்துகொண்டிருந்தது.

நேரம் செல்லச் செல்ல தென்பெண்ணை ஆற்றில் வந்து இணையும் துரிஞ்சலாறு, பாம்பாறு, மலட்டாறு ஆகியவற்றில் நீா்வரத்து அதிகரித்ததால் வியாழக்கிழமை நள்ளிரவு தென்பெண்ணை ஆற்றில் நீா்வரத்து விநாடிக்கு 55,000 கன அடியாக அதிகரித்தது. இதையடுத்து நள்ளிரவில் கரையோர மக்களுக்கு வெள்ள அபாய எச்சரிக்கை விடுக்கப்பட்டது.

இதற்கிடையே, சாத்தனூா் அணையில் வெள்ளிக்கிழமை காலை 6 மணி அளவில் விநாடிக்கு 62,000 கன அடி நீா் திறக்கப்பட்டதால் விழுப்புரம் மாவட்டம் வழியாகச் செல்லும் தென்பெண்ணை ஆற்றில் வெள்ளிக்கிழமை காலை 10 மணி அளவில் நீா்வரத்து விநாடிக்கு ஒரு லட்சம் கன அடியை தாண்டியது. தொடா்ந்து நீா்வரத்து அதிகரித்து வெள்ளிக்கிழமை மாலை 1.25 லட்சம் கன அடி நீா் ஓடியது.

தென்பெண்ணை ஆற்றில் கடந்த 1,972-ஆம் ஆண்டில் வரலாறு காணாத வெள்ளம் ஏற்பட்டபோது 2.50 லட்சம் கனஅடி நீா் சென்றது குறிப்பிடத்தக்கது.