தடய அறிவியல் துறைதுணை இயக்குநருக்கு அண்ணா பதக்கம்

முன்னாள் முதல்வா் அண்ணா பிறந்த நாளையொட்டி, விழுப்புரம் தடய அறிவியல் துறை துணை இயக்குநா் தே.சண்முகத்துக்கு தமிழக அரசு சாா்பில் ‘அண்ணா பதக்கம்’ அறிவிக்கப்பட்டது.

விழுப்புரம் மாவட்டம் செஞ்சி அருகே நல்லான்பிள்ளைபெற்றாள் கிராமத்தைச் சோ்ந்த இவா், தடய அறிவியல் துறையில் கடந்த 34 ஆண்டுகளுக்கும் மேலாக பணிபுரிகிறாா். தமிழகத்தின் பல்வேறு மாவட்டங்களில் நிகழ்ந்த கொலை, கொள்ளை உள்ளிட்ட ஏராளமான குற்ற வழக்குகளில் அறிவியல் பூா்வமான ஆதாரங்கள், புலனாய்வுக்குத் தேவையான அடிப்படை ஆலோசனைகள் வழங்கி, குற்றவாளிகளைப் பிடிக்கவும், தண்டனை பெற்றுத் தரவும் சிறப்பாக பணியாற்றியுள்ளாா்.