ரூ. 24 கோடியில் சாலைப் பணிகள்: அமைச்சா் தொடக்கிவைத்தாா்

செஞ்சி வட்டம், ஆலம்பூண்டியில் இருந்து மழவந்தாங்கல் செல்லும் சாலையை அகலப்படுத்தும் பணியை அமைச்சா் கே.எஸ்.மஸ்தான் வியாழக்கிழமை தொடக்கிவைத்தாா்.

ஆலம்பூண்டி - மழவந்தாங்கல் சாலையை நெடுஞ்சாலை துறை சாா்பில் ரூ. 24 கோடியில் அகலப்படுத்தும் பணியை ஆலம்பூண்டியில் பூமி பூஜை செய்தும், ரூ.4.80 கோடி மதிப்பீட்டில் செஞ்சி காந்தி பஜாா் சாலையை அகலப்படுத்தி, சாலையின் இரு புறத்திலும் வடிகால் வாய்க்கால் அமைக்கவும், சாலையின் நடுவே தடுப்புச் சுவா் அமைக்கவும் அமைச்சா் கே.எஸ்.மஸ்தான் பூமி பூஜை செய்து தொடக்கிவைத்தாா்.

நிகழ்ச்சியில் மாவட்ட வருவாய் அலுவலா் ராஜேசேகரன், நெடுஞ்சாலை கோட்டப் பொறியாளா் சிவசேனா, செஞ்சி ஒன்றியக் குழுத் தலைவா் ஆா்.விஜயகுமாா், செஞ்சி பேரூராட்சித் தலைவா் மொக்தியாா்மஸ்தான், உதவிக் கோட்டப் பொறியாளா் ஏழுமலை, ஆலம்பூண்டி ஊராட்சித் தலைவா் முத்தம்மாள் சேகா், ஒப்பந்ததாரா் கோட்டீஸ்வரன் உள்ளிட்டோா் கலந்து கொண்டனா்.