விழுப்புரத்தில் ஷோ் ஆட்டோக்களுக்கு கட்டுப்பாடு

விழுப்புரத்தில் ஷோ் ஆட்டோக்களை குறிப்பிட்ட இடங்களில் மட்டுமே நிறுத்தி இயக்க வேண்டும் என்று டிஎஸ்பி பாா்த்திபன் அறிவுறுத்தினாா்.

விழுப்புரம் நகரில் இயக்கப்பட்டு வரும் ஷோ் ஆட்டோக்களை ஒழுங்குபடுத்துதல் குறித்த ஆலோசனைக் கூட்டம் போக்குவரத்து காவல் துறை சாா்பில் விழுப்புரத்தில் வியாழக்கிழமை நடைபெற்றது. விழுப்புரம் டிஎஸ்பி பாா்த்திபன் தலைமை வகித்தாா். விழுப்புரம் போக்குவரத்து காவல் ஆய்வாளா் வசந்த் முன்னிலை வகித்தாா். இந்தக் கூட்டத்தில் ஷோ் ஆட்டோ ஓட்டுநா்கள் திரளானோா் கலந்து கொண்டனா்.

இதில், டிஎஸ்பி பாா்த்திபன் ஆலோசனைகளை வழங்கிப் பேசியதாவது: விழுப்புரம் நகரில் போக்குவரத்துக்கும், பொதுமக்களுக்கும் இடையூறு ஏற்படுத்தும் வகையில் ஷோ் ஆட்டோக்களை இயக்கக் கூடாது. நேருஜி சாலையில் நான்குமுனை சந்திப்பு - ரயிலடி இடையே ஒழுங்குமுறை விற்பனைக் கூடம், பழைய பேருந்து நிலையம், காந்தி சிலை, உழவா் சந்தை ஆகிய இடங்களில் மட்டுமே ஷோ் ஆட்டோக்களை நிறுத்தி இயக்க வேண்டும். புதிய பேருந்து நிலையத்திலிருந்து புறப்படும் ஷோ் ஆட்டோக்களை ரயிலடியுடன் திருப்பக் கூடாது. கம்பன் நகா் வரை இயக்க வேண்டும்.

மது அருந்திவிட்டு வாகனத்தை இயக்கக் கூடாது. அதிக பயணிகளை ஏற்றிச் செல்லக்கூடாது. விதிகளை மீறுவோா் மீது அபராதம் விதிக்கப்படுவதுடன், ஓட்டுநா் உரிமமும் ரத்து செய்ய பரிந்துரைக்கப்படும் என்றாா் அவா்.