பாஜக பிரமுகா் கொலை: மேலும் 4 போ் கைது

புதுவையில் பாஜக பிரமுகா் கொலை செய்யப்பட்ட வழக்கில் மேலும் 4 பேரை போலீஸாா் வெள்ளிக்கிழமை கைது செய்தனா்.

புதுச்சேரி வில்லியனூா் கணுவாய்பேட்டையைச் சோ்ந்தவா் செந்தில்குமரன் (43). பாஜக நிா்வாகியான இவா் கடந்த மாதம் வெடிகுண்டு வீசியும், அரிவாளால் வெட்டியும் கொலை செய்யப்பட்டாா்.

இது குறித்து வில்லியனூா் போலீஸாா் வழக்குப்பதிந்து விசாரணை நடத்தி வருகின்றனா். இந்த நிலையில் இதில் தொடா்புடையதாக திருக்காஞ்சியைச் சோ்ந்த ரௌடி நித்தியானந்தம் (42) உள்ளிட்ட 7 போ் திருச்சி நீதிமன்றத்தில் சரணடைந்தனா். அவா்களை வில்லியனூா் போலீஸாா் காவலில் எடுத்து விசாரித்தனா். அதன்படி, இந்த கொலைக்கு வெடிகுண்டுகள் தயாரித்து கொடுத்த கோா்க்காடு ராஜாமணி (28), ஏழுமலை (31), கதிா் (28) ஆகிய 3 பேரை சில தினங்களுக்கு முன்பு கைது செய்து சிறையில் அடைத்தனா்.

மேலும், இதில் தொடா்புடையதாக நித்தியானந்தத்தின் அண்ணன் ராமநாதன் (48), ஆரியப்பாளையம் லட்சுமணன் (22), திலிபன் (20), கிளிஞ்சிக்குப்பம் ராமகிருஷ்ணன் (28) ஆகிய 4 பேரை வெள்ளிக்கிழமை போலீஸாா் கைது செய்தனா்.