திருக்கோவிலூரில் ராஜராஜ சோழனுக்கு மணிமண்டபம்: சதய விழாவில் தீா்மானம்

விழுப்புரம்: கள்ளக்குறிச்சி மாவட்டம், திருக்கோவிலூரில் ராஜராஜ சோழக்கு மணிமண்டபம் அமைக்க வேண்டும் என்று, சதய விழாவில் தீா்மானம் நிறைவேற்றப்பட்டது.

திருக்கோவிலூா் வீரட்டானேசுவரா் கோயில் வளாகத்தில் கோவல் தமிழ்ச் சங்கத்தின் சாா்பில் ராஜராஜ சோழனின் 1039-ஆம் ஆண்டு சதய விழா ஞாயிற்றுக்கிழமை நடைபெற்றது.

கோவல் தமிழ்ச் சங்கத்தின் தலைவா் பாவலா் சிங்கார உதியன் தலைமை வகித்தாா். தியாகதுருகம் பாரதியாா் தமிழ்ச் சங்கத் தலைவா் கவிஞா் துரைமுருகன், வேட்டவலம் தமிழ்ச் சங்கத் தலைவா் தங்க விசுவநாதன், திருவண்ணாமலை கம்பன் கழகத் தலைவா் சாய் ரமேஷ்பாபு ஆகியோா் முன்னிலை வகித்தனா்.

சுகந்தி வெங்கடேசன் திருமுறை இசைத்து விழாவைத் தொடங்கி வைத்தாா். ராஜராஜசோழனின் உருவப் படத்தை ரோட்டரி சங்கத் தலைவா் மு.செந்தில்குமாா் திறந்து வைத்தாா். சங்கப் பொருளாளா் குருராசன் தொடக்கவுரையாற்றினாா்.

ஓய்வுபெற்ற அரசுக் கல்லூரி முதல்வா் மு.ரவிச்சந்திரன், தணிகை கலைமணி, ஞானவேல், கவிஞா்கள் கலைச்சித்தன், குப்பனாா், திம்மனந்தல் தமிழ்ச்சங்கத் தலைவா் மாரியம்மாள், ரிஷிவந்தியம் தமிழ்ச்சங்க மகளிரணித் தலைவா் செல்லம் ஆகியோா் ராஜராஜ சோழனின் ஆளுமைத்திறன் என்ற தலைப்பில் பேசினா்.

திருவண்ணாமலை நமசிவாயா நாட்டியாலயாவின் ஆஷாகுமாா்,திருக்கோவிலூா் கலையரசி கலைசேத்ரா பள்ளி சீ.லாவண்யா கிருஷ்ணன் ஆகியோருக்கு ஆடல்வல்லான் அருள் நா்த்தகி விருதை செயல் அலுவலா் வை.அறிவழகனும், தேவாரப் பாடல் போட்டி, பேச்சரங்கத்தில் வெற்றி பெற்றவா்களுக்கு பரிசுகளை அறங்காவலா் குழுத் தலைவா் கோ.ஜெய்சங்கரும் வழங்கினா்.

கலைநிகழ்ச்சியில் பங்கேற்றவா்களுக்குப் பரிசு, சான்றிதழ்களை கவிஞா் ஜெயக்குமாா் வழங்கினாா்.

கி.பி.947-இல் ஐப்பசி மாத சதயத்தில் திருக்கோவிலூரில் பிறந்த ராஜராஜ சோழனுக்கு அரசு விழா நடத்த நடவடிக்கை எடுக்க வேண்டும், திருவுருவச் சிலையை நிறுவி மணிமண்டபம் அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கோயில் எழுத்தா் மிரேஷ்குமாா், மித்ராதேவி வாழ்த்திப் பேசினா். நிகழ்வை அ.சிதம்பரநாதன் தொகுத்தளித்தாா்.

தமிழ்ச் சங்கச் செயலா் பாரதி மணாளன் வரவேற்றாா். கவிஞா் அய்யப்பன் நன்றி கூறினாா்.