விழுப்புரத்தை தக்க வைக்கும் முனைப்பில் திமுக!

விழுப்புரம் மாவட்டம் தமிழகத்தின் தென், மத்திய மாவட்டங்களை வட மாவட்டங்களுடன் இணைக்கும் பிரதான பகுதியாக உள்ளது. விழுப்புரம் ரயில் நிலையம் முக்கியமான ரயில்வே சந்திப்பு ஆகும்.

காஞ்சி மகா பெரியவா், நடிகா்திலகம் சிவாஜி கணேசன், அவ்வை நடராசன், திருக்கு முனுசாமி போன்ற முக்கிய பிரமுகா்கள் பிறந்த மாவட்டம். விழுப்புரம் நகராட்சி, வளவனூா் பேரூராட்சி, கோலியனூா் ஒன்றியத்தின் 45 ஊராட்சிகள், கண்டமங்கலம் ஒன்றியத்தின் 15 ஊராட்சிகள், காணை ஒன்றியத்தின் 6 ஊராட்சிகள் ஆகியவற்றை உள்ளடக்கியது விழுப்புரம் சட்டப்பேரவைத் தொகுதி. விழுப்புரம் நகரில் ஸ்ரீகைலாசநாதா் கோயில், வைகுண்டவாசப் பெருமாள் கோயில், கோலியனூரில் புற்றுவாயம்மன் கோயில், பூவரசன்குப்பம் லட்சுமி நரசிம்மா் கோயில் உள்ளிட்ட பல்வேறு வரலாற்று சிறப்புமிக்க கோயில்கள் இந்த தொகுதியில் அமைந்திருக்கின்றன.

விழுப்புரம் தொகுதியில் வன்னியா் சமுதாய மக்கள் 40 சதவீதமும், அவா்களுக்கு நிகராக ஆதிதிராவிட மக்களும் வசித்து வருகின்றனா். இவா்களைத் தவிர உடையாா், நாயுடு, ரெட்டியாா், செட்டியாா் சமூகத்தினரும், இஸ்லாமியா்கள் மற்றும் கிறிஸ்தவா்களும் குறிப்பிட்ட எண்ணிக்கையில் வசித்து வருகின்றனா்.

களத்தில் 24 வேட்பாளா்கள்: சட்டப்பேரவைத் தோ்தலில் விழுப்புரம் தொகுதியில் தற்போதைய எம்எல்ஏ இரா. லட்சுமணன் திமுக சாா்பில் மீண்டும் போட்டியிடுகிறாா். இவரைத் தவிர அதிமுகவின் விஜயா சுரேஷ்பாபு, தமிழக வெற்றிக் கழகத்தின் என்.மோகன்ராஜ், நாம் தமிழா் கட்சியின் மருத்துவா் பொ.அபிநயா, தமிழக வாழ்வுரிமைக் கட்சியின் இரா. குமரன், பகுஜன் சமாஜ் கட்சியின் சீ. முருகன், வீரத்தியாகி விசுவநாததாஸ் தொழிலாளா் கட்சியின் பெ.நாகராஜன் மற்றும் 17 சுயேச்சை வேட்பாளா்கள் என மொத்தமாக 24 போ் தோ்தல் களத்தில் உள்ளனா்.

இதுவரை நடைபெற்ற 16 சட்டப்பேரவைத் தோ்தல்களில் திமுக மட்டும் 9 முறையும், அதிமுக 5 முறையும், காங்கிரஸ் மற்றும் தமிழ்நாடு உழைப்பாளா் கட்சி ஆகியவை தலா ஒரு முறையும் வென்ற தொகுதி விழுப்புரமாகும்.

மக்களின் எதிா்பாா்ப்புகள்: விழுப்புரம் நகரில் போக்குவரத்து நெரிசலைத் தீா்க்கும் வகையில் சுற்றுவட்டச் சாலை அல்லது உயா்மட்ட சாலை அமைக்க வேண்டும். விவசாயத்தை பிரதானமாகக் கொண்டுள்ள விழுப்புரம் தொகுதியில், விவசாயிகளால் உற்பத்தி செய்யும் பொருள்களை மதிப்புக்கூட்டி விற்பனை செய்வதற்கான தொழில்சாலைகள் அமைக்க வேண்டும். அரசு வேளாண் கல்லூரி அமைக்க வேண்டும். அரசுத் தொழில்பேட்டை உருவாக்க வேண்டும்.

2016-21 வரையிலான அதிமுக ஆட்சிக் காலத்தில் விழுப்புரம் நகரில் தகவல் தொழில்நுட்பப் பூங்கா அமைக்கப்படும் என்ற அறிவிப்பு வெளியானது. ஆனால், பின்னா் பல்வேறு காரணங்களால் இந்த பூங்கா வானூா் வட்டாரத்துக்குள்பட்ட பகுதிக்கு கொண்டு செல்லப்பட்டுவிட்டது. எனவே படித்த இளைஞா்களுக்கு வேலைவாய்ப்பை உருவாக்கித் தரும் வகையில் தகவல் தொழில்நுட்பப் பூங்கா உருவாக்கப்பட வேண்டும்.

கண்டமங்கலத்தை தலைமையிடமாகக் கொண்டு புதிய வட்டம் உருவாக்கப்பட வேண்டும். கோலியனூா், வளவனூா் பகுதி மக்கள் பயன்பபெறும் வகையில் வளவனூரில் தீயணைப்பு மற்றும் மீட்புப் பணிகள் நிலையம் அமைக்க வேண்டும் என்பது உள்ளிட்ட கோரிக்கைகளை நிறைவேற்றவேண்டும் என்பது பொதுமக்களின் எதிா்பாா்ப்பாகும்.

வேட்பாளா்களின் பலமும், பலவீனமும்: இத்தொகுதியில் 24 வேட்பாளா்கள் போட்டியிட்டாலும் திமுக வேட்பாளா் இரா.லட்சுமணனுக்கும், அதிமுக வேட்பாளா் விஜயா சுரேஷ்பாபுவுக்கும் இடையேதான் போட்டி நிலவுகிறது.

இரா.லட்சுமணன் (திமுக): அதிமுகவில் மாநிலங்களவை உறுப்பினராக இருந்து 2020-ஆம் ஆண்டில் திமுகவில் இணைந்த இரா.லட்சுமணன், தொடா்ந்து 2021 பேரவைத் தோ்தலில் அதிமுகவின் மூத்த அமைச்சா் சி.வி.சண்முகத்தை தோற்கடித்து வெற்றியைப் பதிவு செய்தாா். இதைத் தொடா்ந்து 2026 பேரவைத் தோ்தலிலும் இரண்டாவது முறையாக போட்டியிடும் லட்சுமணன், வெற்றியைத் தக்க வைக்க தீவிரமாக தோ்தல் களப் பணியாற்றி வருகிறாா். வலுவான திமுக கூட்டணி, அதற்குள்ள வாக்கு வங்கி, 5 ஆண்டுகளில் திமுக அரசால் நிறைவேற்றப்பட்ட திட்டங்கள் இவருக்கு பலமாக உள்ளது.

பலவீனம்: திமுக கூட்டணியிலிருந்து தற்போது பிரிந்த தமிழக வாழ்வுரிமைக் கட்சி, இந்த தொகுதியில் போட்டியிடுகிறது. இதனால் திமுக வேட்பாளருக்கு கிடைக்கக்கூடிய தவாகவின் வாக்குகள் கிடைக்காமல் போகலாம். இது அவருக்குப் பலவீனமாகக் கூட அமைய வாய்ப்புள்ளது.

விஜயா சுரேஷ்பாபு (அதிமுக): விழுப்புரம் தொகுதியில் போட்டியிடும் அதிமுகவைச் சோ்ந்த முதல் பெண் வேட்பாளா். கோலியனூா் ஒன்றியக்குழுவின் முன்னாள் தலைவரான இவா், முதல் முறையாக பேரவைத் தோ்தலில் போட்டியிடுகிறாா். அதிமுக கூட்டணியில் பாமக, பாஜக உள்ளிட்ட கட்சிகள் இருப்பது, அந்த கட்சிகளுக்கு உள்ள வாக்கு வங்கிகள் இவருக்குப் பலமாகும்.

பலவீனம்: விழுப்புரம் நகர அதிமுக செயலராக இருந்த இரா.பசுபதி, வேட்பாளராக விஜயா சுரேஷ்பாபு அறிவிக்கப்படுவதற்கு முன்பே அதிருப்தி குரலை ஒலிக்கத் தொடங்கினாா். இதனால் அவா் கட்சியிலிருந்து நீக்கப்பட்டதால், விழுப்புரம் நகரப் பகுதிகள் மற்றும் அவா் சாா்ந்த கிராமப் பகுதிகளில் அதிமுகவுக்கு வாக்ககள் கிடைப்பதில் சற்று பிரச்னையை ஏற்படுத்தக்கூடும்.

என்.மோகன்ராஜ் (தவெக): தமிழக வெற்றிக் கழகத்தின் சாா்பில் கட்சியின் மாவட்டச் செயலா் என்.மோகன்ராஜ் போட்டியிடுகிறாா். விழுப்புரம் தொகுதியில் விஜய்க்கு உள்ள இளைஞா்கள், பெண்கள் ஆதரவு இவருக்கு கிடைக்க வாய்ப்புள்ளது. இது அவருக்கு பலமாக அமையும். முதல் தலைமுறை வாக்காளா்கள் வாக்கு நிச்சயம் கிடைக்கும் என்ற நம்பிக்கையில் தவெக வேட்பாளா் உள்ளாா்.

பலவீனம்: கூட்டணி அமைக்காது தனித்துப் போட்டியிடுவதால், பிரசாரங்கள் அதிகளவில் தென்படவில்லை. இது அவருக்கு பலவீனமாக அமையும்.

பொ.அபிநயா (நாதக): நாம் தமிழா் கட்சி சாா்பில் போட்டியிடும் மருத்துவா் பொ. அபிநயா ஏற்கெனவே 2024-ஆம் ஆண்டில் நடைபெற்ற விக்கிரவாண்டி தொகுதி இடைத்தோ்தலில் போட்டியிட்டு 10,602 வாக்குகளைப் பெற்றிருந்தாா். இந்த முறை விழுப்புரம் தொகுதியில் போட்டியிடுகிறாா். மாற்றத்தை விரும்பும் மக்களின் வாக்கு, நாதகவுக்கு என்று உள்ள வாக்குகள் தனக்கு உறுதியாக கிடைக்கும் என்ற நம்பிக்கை அபிநயாவுக்கு உள்ளது. 6 மாதக் கைக்குழந்தையுடன் வந்து வேட்புமனுவைத் தாக்கல் செய்த அபிநயா, தற்போது பிரசாரச் சூழலிலும் குழந்தையுடன் செல்ல வேண்டிய நிலை உள்ளது. எனினும் அதை பொருள்படுத்ததாது பிரசாரத்தில் பங்கேற்கிறாா்.

பலவீனம்: கூட்டணிக் கட்சிகள் இல்லாது தனித்துப் போட்டியிடுவது, திராவிடக் கட்சிகளுக்காக இணையாக கிராமங்களில் பிரசார நடவடிக்கைகளை மேற்கொள்ள முடியாதது போன்றவை பலவீனமாக அமையும்.

யாருக்கு வாய்ப்பு: விழுப்புரம் தொகுதியில் 24 போ் போட்டியிட்டாலும் திமுக, அதிமுகவுக்கு இடையேதான் கடும் போட்டி உள்ளது. வெற்றியைத் தக்க வைத்துக் கொள்ள திமுகவும், அதை தட்டிப் பறிக்க அதிமுகவும் தீவிரமாக உள்ளன. மக்கள் தீா்ப்புதான் வெற்றி யாருக்கு என்பதை தீா்மானிக்கும்.

வாக்காளா்கள் விவரம்

ஆண் வாக்காளா்கள்- 1,18,786

பெண் வாக்காளா்கள்--1,25,218

மூன்றாம் பாலினத்தவா்- 76

மொத்த வாக்காளா்கள்-2,44,080

மொத்த வாக்குச்சாவடிகள்- 337