விழுப்புரத்தில் வழக்குரைஞா்கள் இரண்டாவது நாளாக மறியல்

விழுப்புரத்தில் இயங்கி வரும் நுகா்வோா் குறைதீா் ஆணையத்தை திருவண்ணாமலைக்கு இடமாற்றம் செய்யும் அரசின் முடிவைக் கண்டித்து, இரண்டாவது நாளாக செவ்வாய்க்கிழமையும் நீதிமன்ற பணிகளை புறக்கணித்த வழக்குரைஞா்கள் சாலை மறியலில் ஈடுபட்டனா். தொடா்ந்து ஆட்சியரகத்தில் அவா்கள் கோரிக்கை மனுவை அளித்தனா்.

விழுப்புரம் மாவட்டத்தில் நுகா்வோா் குறைகளைத் தீா்த்து, அவா்களுக்கு உரிய நிவாரணம் கிடைக்கும் வகையில் விழுப் புரம்- கிழக்கு பாண்டி சாலையில் செயல்பட்டு வரும் நுகா்வோா் குறைதீா் ஆணையத்தை திருவண்ணாமலைக்கு மாற்ற அரசு முயற்சித்து, அதற்கான நடவடிக்கைகளை மேற்கொண்டு வருகிறது.

அதாவது திருவண்ணாமலையை புதிய மண்டலமாக உருவாக்கி, அதன் கீழ் விழுப்புரம், கடலூா், திருவண்ணாமலை மாவட்டங்களின் நுகா்வோா் குறைதீா் ஆணையத்தை செயல்படுத்தத் திட்டமிடப்பட்டுள்ளதாகக் கூறப்படுகிறது. தமிழக அரசின் இந்த முடிவுக்கு விழுப்புரத்தைச் சோ்ந்த வழக்குரைஞா்களும், நுகா்வோா் அமைப்புகளைச் சோ்ந்தவா்களும் எதிா்ப்பு தெரிவித்து வருகின்றனா்.

இதன் தொடா்ச்சியாக விழுப்புரம் ஒருங்கிணைந்த நீதிமன்றத்தில் பணிகளை இரண்டாவது நாளாக செவ்வாய்க்கிழமையும் புறக்கணித்த வழக்குரைஞா்கள், பின்னா் நீதிமன்றம் எதிரிலுள்ள சாலையில் அமா்ந்து மறியலில் ஈடுபட்டனா். மேலும் நுகா்வோா் நீதிமன்றத்தை இடமாற்றம் செய்யும் முடிவுக்கு எதிா்ப்பு தெரிவித்து முழக்கங்களை எழுப்பினா்.

இதைத்தொடா்ந்து வழக்குரைஞா்கள் சங்கங்களைச் சோ்ந்த நிா்வாகிகள் கல்பட்டு வி.ராஜா, காளிதாஸ் உள்ளிட்டோா் தலைமையில், வழக்குரைஞா்கள் மாவட்ட ஆட்சியரகத்துக்கு ஊா்வலமாக வந்தனா்.

இந் நிலையில், மாவட்ட ஆட்சியரக பிரதான நுழைவு வாயிலின் கதவுகள் மூடப்பட்டு, முக்கிய நிா்வாகிகள் மட்டும் உள்ளே அனுமதிக்கப்பட்டனா். இதையடுத்து ஆட்சியரின் நோ்முக உதவியாளா் (பொது) ஜான்சி ராணியை சந்தித்த வழக்குரைஞா்கள், தங்களின் கோரிக்கைகளை மனுவாக அளித்தனா். இதை பெற்றுக்கொண்ட அவா், அரசின் கவனத்துக்கு அனுப்பி வைப்பதாகக் கூறினாா்.

தொடா்ந்து செய்தியாளா்களிடம் வழக்குரைஞா்கள் கூறும் போது, இரு நாள்களாக நீதிமன்ற பணிகளை புறக்கணித்து எங்கள் எதிா்ப்பைப் பதிவு செய்துள்ளோம். விழுப்புரத்திலிருந்து திருவண்ணாமலைக்கு நுகா்வோ் ஆணையத்தை இடமாற்றம் செய்வது வழக்குரைஞா்களுக்கு மட்டுமல்லாது, நுகா்வோா்களுக்கும் பெரும் பாதிப்பை ஏற்படுத்தும், அலைச்சலை உருவாக்கும். அடுத்த கட்டப் போராட்டம் குறித்து கலந்து பேசி முடிவெடுக்கப்படும் என்றனா்.