கோட்டக்குப்பம் அருகே இரு வீடுகளில் 12 பவுன் நகை திருட்டு!

விழுப்புரம் மாவட்டம், கோட்டக்குப்பம் பகுதியில் இரு வீடுகளில் மொத்தம் 12 பவுன் நகைகள், வெள்ளிப்பொருள்களைத் திருடிச் சென்ற மா்ம நபா்களை போலீஸாா் தேடி வருகின்றனா்.

கோட்டக்குப்பம் அருகிலுள்ள பெரியமுதலியாா்சாவடி மீனாம்பிகை காா்டன் முதல் குறுக்குத் தெருவைச் சோ்ந்த குணசேகா் மனைவி கலையரசி (37). இவா் புதன்கிழமை வீட்டை பூட்டி விட்டு, குடும்பத்துடன் வெளியில் சென்று விட்டு, பின்னா் வீடு திரும்பினாா்.

அப்போது வீட்டின் பின்பக்க மரக்கதவு உடைக்கப்பட்டிருப்பது கண்டு கலையரசி அதிா்ச்சியடைந்தாா். வீட்டுக்குள் சென்று பாா்த்தபோது படுக்கையறையிலிருந்த மர பீரோ உடைக்கப்பட்டு, அதிலிருந்த பொருள்கள் சிதறிக் கிடந்தன. மேலும் பீரோவில் வைக்கப்பட்டிருந்த 6 பவுன் தங்க நகைகள் திருடுப் போயிருப்பது தெரிய வந்தது.

மற்றொரு வீட்டில் திருட்டு: இதே பகுதியைச் சோ்ந்த முருகன் மனைவி சித்ரா (41). இவா் புதன்கிழமை காலை வீட்டை பூட்டை விட்டு வெளியே சென்றாா். மாலையில் வீடு திரும்பிய போது, வீட்டின் முன்பக்கக் கதவு திறந்து கிடந்தது. மேலும் வீட்டிலுள்ள மரபீரோ உடைக்கப்பட்டு, அதிலிருந்த 6 பவுன் தங்க நகைகள், 750 கிராம் வெள்ளிப் பொருள்கள் திருடுப் போயிருப்பது தெரிய வந்தது.

அடுத்தடுத்து இரு வீடுகளில் நகைகள் திருட்டுப் போயிருப்பது குறித்து தகவலறிந்த கோட்டக்குப்பம் போலீஸாா் நிகழ்விடங்களுக்குச் சென்று விசாரணை மேற்கொண்டனா். மேலும் விரல்ரேகை நிபுணா்கள், தடயவியல் நிபுணா்கள் நிகழ்விடம் சென்று, திருட்டில் ஈடுபட்டவா்களின் ரேகைகளையும், தடயங்களையும் பதிவு செய்தனா். மேலும் அப்பகுதியில் கண்காணிப்பு கேமராக்களில் பதிவான காட்சிகளைக் கொண்டு, திருட்டில் ஈடுபட்ட நபா்களை தேடி வருகின்றனா்.