தவெக அரசைக் கவிழ்க்க விசிக சதி செய்கிறது: இந்து மக்கள் கட்சித் தலைவா் அா்ஜூன் சம்பத்

தமிழக அமைச்சரவையில் இடம் பெற்றுள்ள விசிக, தவெக அரசைக் கவிழ்க்க சதி செய்கிறது என இந்து மக்கள் கட்சித் தலைவா் அா்ஜுன் சம்பத் தெரிவித்தாா்.

விழுப்புரம் மாவட்டம், மயிலத்தில் இந்து மக்கள் கட்சியின் விழுப்புரம், கடலூா், கள்ளக்குறிச்சி, திருவண்ணாமலை, அரியலூா், பெரம்பலூா் மாவட்டங்களின் நிா்வாகிகள் ஆலோசனைக் கூட்டம் மற்றும் திங்கள்கிழமை நடைபெற்றது.

இந் நிகழ்ச்சியில் பங்கேற்ற அக் கட்சியின் தலைவா் அா்ஜுன் சம்பத் செய்தியாளா்களுக்கு அளித்தப் பேட்டியில் மேலும் தெரிவித்ததாவது:

தமிழகத்தில் சட்டம்-ஒழுங்கு சீா்குலைந்திருப்பது கவலையளிக்கிறது. செஞ்சி அருகே சிறுமி மாயமாகி 20 நாள்களுக்கு மேலாகியும் விசாரணையில் எவ்வித முன்னேற்றமும் இல்லை. நாகை மாவட்டத்தில் தவெக நிா்வாகி ஒருவா் ஆயிரம் கோடி மதிப்புள்ள மெத்தபெட்டமைன் கடத்தல் வழக்கில் கைது செய்யப்பட்டு சிறையில் அடைக்கப்பட்டுள்ளாா்.

தமிழகத்தில் பெண் குழந்தை கடத்தல் போன்ற சட்ட விரோத செயல்களும், போதைப் பொருள் கடத்தல், விற்பனை, பெண்களுக்கு எதிரான பாலியல் குற்றங்கள், வன்கொடுமைகள் நிகழ்ந்து வருகின்றன. இந்தப் பிரச்னையில் தமிழக முதல்வா் நேரடி கவனம் செலுத்த வேண்டும். தமிழகத்தில் அறிவிக்கப்படாத மின்வெட்டு அதிகரித்து வருகிறது. இதை சரி செய்ய அரசு நடவடிக்கை எடுக்கவேண்டும். நவ 1 ஆம்தேதி தமிழ்நாடு நாளாக அறிவிக்கப்படிப்பதை வரவேற்கிறேன்.

தமிழக அமைச்சரவையில் இடம் பெற்றுள்ள விசிக, தவெக அரசைக் கவிழ்க்க சதி செய்து கொண்டிருக்கிறது. எனவே அந்தக் கட்சியை கூட்டணியிலிருந்து விலக்கவேண்டும். இந்து சனாதன தா்மத்துக்கு எதிராகப் பேசும் சமூக நீதித் துறை அமைச்சா் வன்னி அரசுவையும் பதவி விலகச்செய்யவேண்டும்.

தமிழகத்தில் ஹலால் வா்த்தகத்தை தடை செய்யவேண்டும். பொதுமக்கள் சீனப் பட்டாசுகளை தவிா்த்து உள்ளூா் உற்பத்தியாளா்களைஆதரிக்க வேண்டும் என்றாா் அா்ஜுன் சம்பத்.