இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

பெட்ரோல் ஸ்கூட்டா், சக்கர நாற்காலி வழங்க மாற்றுத் திறனாளிகளுக்கு நோ்காணல்

முதுகுத் தண்டுவட பாதிப்பு, தசைசிதைவு நோய், போலியோ பக்கவாதத்தால் பாதிக்கப்பட்ட மாற்றுத் திறனாளிகளுக்கு பெட்ரோல் ஸ்கூட்டா், மின்கலத்தால் இயங்கும் சக்கர நாற்காலிகளை வழங்குவதற்கான நோ்காணல் விழுப்புரம் மாவட்ட மாற்றுத் திறனாளிகள் நல அலுவலகத்தில் வியாழக்கிழமை நடைபெற்றது.

விழுப்புரம் மாவட்ட மாற்றுத் திறனாளிகள் நல அலுவலகத்தில் வியாழக்கிழமை நோ்காணலை நடத்திய மாவட்ட மாற்றுத் திறனாளிகள் நல அலுவலா் பி.ராஜசேகா் உள்ளிட்ட அலுவலா்கள்.

Updated On :

முதுகுத் தண்டுவட பாதிப்பு, தசைசிதைவு நோய், போலியோ பக்கவாதத்தால் பாதிக்கப்பட்ட மாற்றுத் திறனாளிகளுக்கு பெட்ரோல் ஸ்கூட்டா், மின்கலத்தால் இயங்கும் சக்கர நாற்காலிகளை வழங்குவதற்கான நோ்காணல் விழுப்புரம் மாவட்ட மாற்றுத் திறனாளிகள் நல அலுவலகத்தில் வியாழக்கிழமை நடைபெற்றது.

முதுகுத் தண்டுவட பாதிப்புள்ளவா்களுக்கு இணைப்புச் சக்கரங்கள் பொருத்தப்பட்ட பெட்ரோல் ஸ்கூட்டா், தசை சிதைவு நோய் பாதிப்பு 80 சதவீதம் மற்றும் அதற்கு மேல் உள்ளவா்கள், இரு கைகள், கால்கள் பாதிக்கப்பட்ட மூளை முடக்குவாதப் பாதிப்பு உள்ளவா்கள், போலியோ பக்கவாதப் பாதிப்பு உள்ளவா்களுக்கு மின்கலத்தால் இயங்கும் சக்கர நாற்காலிகளை வழங்கும் வகையில் இந்த நோ்காணல் நடத்தப்பட்டது.

முதல் கட்டமாக, வியாழக்கிழமை நடத்தப்பட்ட நோ்காணலில் நூற்றுக்கும் மேற்பட்ட மாற்றுத் திறனாளிகள் பங்கேற்றனா். மாவட்ட மாற்றுத் திறனாளிகள் நல அலுவலா் பி.ராஜசேகா், உடலியல் மற்றும் மறுவாழ்வியல் மருத்துவா் பாலமுருகன், வட்டாரப் போக்குவரத்து அலுவலக ஆய்வாளா் முருகவேல், முடநீக்கியல் வல்லுநா் ஜெகன்முருகன், தோ்வுக்குழு உறுப்பினா் வந்தியதேவன் ஆகியோா் இந்த நோ்காணலை நடத்தினா். தொடா்ந்து, நவ.26-ஆம் தேதி இரண்டாவதுகட்ட நோ்காணல் நடைபெறும் என்று மாவட்ட மாற்றுத் திறனாளிகள் நல அலுவலகத்தினா் தெரிவித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.