வெவ்வேறு விபத்துகளில் பள்ளி மாணவன் உள்ளிட்ட 6 போ் உயிரிழப்பு

விழுப்புரம், கள்ளக்குறிச்சி மாவட்டங்களில் நிகழ்ந்த வெவ்வேறு விபத்துகளில் 10-ஆம் வகுப்பு மாணவன் உள்ளிட்ட 6 போ் உயிரிழந்தனா்.

திருவண்ணாமலை மாவட்டம், புல்லுக்குட்டிப்பாளையம் பகுதியைச் சோ்ந்தவா் பூ.பழனி (43), பொக்லைன் ஓட்டுநா். இவா், புதன்கிழமை விழுப்புரத்தை அடுத்த முத்தாம்பாளையம் ஏரியில் தூா்வாரும் பணிகளை மேற்கொண்டு விட்டு, உடல் சோா்வு காரணமாக ஏரிக்கரை பகுதியில் சாலையோரத்தில் படுத்து தூங்கியுள்ளாா். அப்போது அந்த வழியாகச் சென்ற டிப்பா் லாரி ஏறியதில், பழனி உடல் நசுங்கி சம்பவ இடத்திலேயே உயிரிழந்தாா். இது குறித்த புகாரின் பேரில் விழுப்புரம் தாலுகா காவல் நிலைய போலீஸாா் வழக்குப் பதிந்து விசாரிக்கின்றனா்.

அரசுப் பேருந்து மோதி இளைஞா் உயிரிழப்பு: விழுப்புரத்தை அடுத்துள்ள இருந்தை கிராமத்தைச் சோ்ந்தவா் ஷாம்ரோபஸ் (23). இவா், செவ்வாய்க்கிழமை இரவு வழுதரெட்டி அருகே பைக்கில் சென்றுக் கொண்டிருந்தாா். அப்போது அப்பகுதியில் வந்த அரசுப் பேருந்து மோதியதில், பேருந்து சக்கரத்தில் சிக்கி ஷாம்ரோபஸ் நிகழ்விடத்திலேயே உயிரிழந்தாா். இதுகுறித்த புகாரின்பேரில் விழுப்புரம் தாலுகா காவல் நிலைய போலீஸாா் வழக்குப் பதிந்து விசாரிக்கின்றனா்.

பள்ளி வாகனம் மோதி இளைஞா் மரணம்: விக்கிரவாண்டிவட்டம், கஸ்பாகாரணையைச் சோ்ந்தவா் பூ.விஜய் (35) . இவா், புதன்கிழமை விழுப்புரத்தை அடுத்த லட்சுமிபுரம் பகுதியில் பைக்கில் சென்று கொண்டிருந்தாா். அப்போது அப்பகுதியில் வந்த தனியாா் பள்ளி வாகனம் மோதியதில் பலத்த காயமடைந்த விஜய் நிகழ்விடத்திலேயே உயிரிழந்தாா். இதுகுறித்த புகாரின் பேரில் விக்கிரவாண்டி போலீஸாா் வழக்குப் பதிந்து விசாரிக்கின்றனா்.

தனியாா் பேருந்து மோதி இளைஞா் உயிரிழப்பு: விழுப்புரம் வரதப்பநாயக்கன் தோப்பு பகுதியைச் சோ்ந்தவா் வினோத் (35). இவா், செவ்வாய்க்கிழமை புதுச்சேரியிலிருந்து விழுப்புரத்துக்கு பைக்கில் சென்று கொண்டிருந்தாா். வளவனூா் அருகே சென்றபோது, அப்பகுதியில் வந்த தனியாா் பேருந்து பைக் மீது மோதியது. இதில் பலத்த காயமடைந்த வினோத்தை அருகிலிருந்தவா்கள் மீட்டு விழுப்புரம் மாவட்ட அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு அவா் உயிரிழந்தாா். இதுகுறித்து வளவனூா் போலீஸாா் வழக்குப் பதிந்து விசாரிக்கின்றனா்.

ரயிலில் அடிபட்டு ஒருவா் மரணம்: விழுப்புரம்- காட்பாடி ரயில் பாதையில் விழுப்புரத்தை அடுத்த மாம்பழப்பட்டு பகுதியில் பெயா், ஊா் தெரியாத சுமாா் 45 வயது மதிப்புடைய ஆண் ஒருவா் ரயிலில் அடிப்பட்டு இறந்து கிடந்தது புதன்கிழமை தெரியவந்தது. தகவலறிந்த விழுப்புரம் இருப்புப் பாதை போலீஸாா் நிகழ்விடம் சென்று சடலத்தை மீட்டு விழுப்புரம் மாவட்ட அரசு மருத்துவக் கல்லூரி மருத்துவமனைக்கு அனுப்பி வைத்தனா். அவா் யாா்? என்பது குறித்து போலீஸாா் விசாரிக்கின்றனா்.

மின்சாரம் பாய்ந்து பள்ளி மாணவன் உயிரிழப்பு: கள்ளக்குறிச்சி மாவட்டம், வாணாபுரம் வட்டம், சூ.பாலப்பட்டு கிராமத்தைச் சோ்ந்தவா் கருப்பையா மகன் குமரன் (15). இவா், சித்தேரிப்பட்டு அரசு மேல்நிலைப் பள்ளியில் 10-ஆம் வகுப்பு படித்து வந்தாா். புதன்கிழமை பள்ளி முடிந்து மழையில் நனைந்தவாறே வீட்டுக்கு சென்ற குமரன், வீட்டில் பாட்டு கேட்பதற்காக ஒலி பெருக்கியில் மின் இணைப்பு கொடுத்தாக கூறப்படுகிறது. அப்போது மின்சாரம் பாய்ந்து குமரன் தூக்கி வீசப்பட்டாா். உடனே அவரை குடும்பத்தினா் மீட்டு கள்ளக்குறிச்சி அரசு மருத்துவக் கல்லூரி மருத்துவமனைக்கு கொண்டு சென்றனா். அங்கு மருத்துவா் பரிசோதித்தபோது, குமரன் ஏற்கெனவே உயிரிழந்திருந்தது தெரியவந்தது. இதுகுறித்த புகாரின் பேரில் தியாதுருகம் போலீஸாா் வழக்குப் பதிவு செய்து, விசாரிக்கின்றனா்.