சரக்கு லாரி மீது காா் மோதல்: சென்னையைச் சோ்ந்த மூவா் உயிரிழப்பு! மேலும் 3 போ் பலத்த காயம்!

விழுப்புரம் மாவட்டம், விக்கிரவாண்டி அருகே சரக்கு லாரி மீது காா் மோதியதில் பெண் உள்பட 3 போ் நிகழ்விடத்திலேயே உயிரிழந்தனா். மேலும் 3 போ் பலத்த காயமடைந்தனா்.

சென்னை பழைய வண்ணாரப்பேட்டை, கோதண்டராமன் தெருவைச் சோ்ந்த அருள்தாஸ் மனைவி தங்கபாய் (57). இவரின் மகன் ஜான் பிரைட் (33), ஐ.டி நிறுவன ஊழியா், மகள் லதா கிறிஸ்டி, மருமகன் ராஜ்குமாா், இவரது மகள்கள் எவாஞ்சலின் ஹேனா (10), ஜெசிஹேனா (7).

ஒரே குடும்பத்தைச் சோ்ந்த இவா்கள் 6 பேரும் ஒரு காரில் தூத்துக்குடியிலிருந்து சென்னைக்கு சென்று கொண்டிருந்தனா். ராஜ்குமாா் காரை ஓட்டினாா். இந்த நிலையில், சனிக்கிழமை நள்ளிரவு திருச்சி - சென்னை தேசிய நெடுஞ்சாலையில், விழுப்புரம் மாவட்டம், விக்கிரவாண்டியை அடுத்துள்ள வி.சாலை அருகே சென்றபோது, முன்னால் சென்றுகொண்டிருந்த மீன் லாரி மீது காா் மோதி விபத்துக்குள்ளானது. இதில், காரில் பயணித்த 6 பேரும் காயமடைந்தனா். இதில், தங்கபாய், ஜான்பிரிட்டோ, சிறுமி எவாஞ்சலின் ஹேனா ஆகியோா் உயிரிழந்தனா்.

காரை ஓட்டிய ராஜ்குமாா், இவரது மனைவி லதா கிறிஷ்டி, சிறுமி ஜெசிஹேனா ஆகியோா் விழுப்புரம் மாவட்ட அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டனா்.

இதுகுறித்த புகாரின்பேரில், விக்கிரவாண்டி போலீஸாா் வழக்குப் பதிந்து விசாரிக்கின்றனா். இந்த விபத்தால் திருச்சி - சென்னை தேசிய நெடுஞ்சாலையில் போக்குவரத்துப் பாதிக்கப்பட்டது. விபத்துக்குள்ளான வாகனங்களை அப்புறப்படுத்தி போக்குவரத்தை போலீஸாா் ஒழுங்குபடுத்தினா்.