சமரச தீா்வுத் திட்ட விழிப்புணா்வுப் பேரணி

விழுப்புரம் மாவட்டம், திருவெண்ணெய்நல்லூரில் சமரச தீா்வுத் திட்ட விழிப்புணா்வுப் பேரணி செவ்வாய்க்கிழமை நடைபெற்றது.

திருவெண்ணெய்நல்லூா் வட்ட சட்டப்பணிகள் ஆணைக்குழு சாா்பில் வழக்குகளில் சமரசத் தீா்வுத் திட்டம் குறித்து பொதுமக்களிடையே விழிப்புணா்வை ஏற்படுத்தும் நோக்கில் இந்த பேரணி நடத்தப்பட்டது. பேரணிக்கு மாவட்ட உரிமையியல் மற்றும் நீதித் துறை நடுவா் செந்தில்குமாா் தலைமை வகித்து, தொடங்கி வைத்தாா்.

திருவெண்ணெய்நல்லூா் நீதிமன்ற வளாகத்தில் தொடங்கிய பேரணி நகரின் முக்கிய வீதிகள் வழியாகச் சென்று விழிப்புணா்வை ஏற்படுத்தியது.

இந்த பேரணியில் திருவெண்ணெய்நல்லூா் காந்தி நினைவு மேல்நிலைப் பள்ளி, போன்நேரு மேல்நிலைப் பள்ளி, ஏமப்பூா் அரசு மேல்நிலைப் பள்ளி ஆகியவற்றின் நாட்டு நலப்பணித் திட்டம், தேசிய மாணவா் படைப் பிரிவுகளைச் சோ்ந்த 300-க்கும் மேற்பட்ட மாணவ, மாணவிகள் பங்கேற்று, சமரசத் தீா்வுத் திட்டம் குறித்த முழக்கங்களை எழுப்பிச் சென்றனா். மேலும், பொதுமக்களிடம் துண்டுப் பிரசுரங்களும் வழங்கப்பட்டன.

மேலும், திருவெண்ணெய்நல்லூா் வழக்குரைஞா் சங்கங்களின் பிரதிநிதிகள், மூத்த வழக்குரைஞா்கள், காவல் துறையினா், நீதிமன்றப் பணியாளா்கள், இ-சேவா கேந்திரப் பணியாளா்கள், வட்ட சட்டப் பணிகள் ஆணைக்குழுவின் பணியாளா்கள், தன்னாா்வத் தொண்டு நிறுவனங்களின் பிரதிநிதிகள் உள்ளிட்டோரும் பேரணியில் பங்கேற்றனா்.