7 கிலோ கஞ்சா பறிமுதல்: 4 போ் கைது

விழுப்புரம் மாவட்டத்தில் இருவேறு இடங்களில் கடத்தி வரப்பட்ட 7 கிலோ கஞ்சாவை போலீஸாா் புதன்கிழமை பறிமுதல் செய்தனா். இந்த வழக்குகளில் 4 போ் கைது செய்யப்பட்டனா்.

விழுப்புரம் மதுவிலக்கு அமல் பிரிவு காவல் ஆய்வாளா் கோமதி தலைமையிலான போலீஸாா் புதன்கிழமை விழுப்புரம் ரயில் நிலைய பேருந்து நிறுத்தம் அருகே சோதனையில் ஈடுபட்டிருந்தனா். அப்போது அங்கு சந்தேகப்படும் வகையில் நின்றிருந்த இருவரின் உடைமைகளை சோதனை செய்தனா். அதில் கஞ்சா பொட்டலங்கள் இருந்தது தெரியவந்தது. இதையடுத்து போலீஸாா் இருவரையும் பிடித்து காவல் நிலையம் கொண்டு சென்று நடத்திய விசாரணையில் அவா்கள் திருவள்ளூா் மாவட்டம், மாவேரிபேட்டை, எம்.ஜி.ஆா். நகரைச் சோ்ந்த ம.காா்த்தி (40), அரக்கோணம் ஆஞ்சநேயா் கோயில் தெருவைச் சோ்ந்த வி.லோகு (45) ஆகியோா் என்பதும், இவா்கள் விற்பனைக்காக ஒடிஸாவிலிருந்து ரயில் மூலம் விழுப்புரத்துக்கு கஞ்சாவை கடத்தி வந்ததும் தெரியவந்தது. இதுகுறித்து விழுப்புரம் மதுவிலக்கு அமல் பிரிவு போலீஸாா் வழக்குப் பதிந்து காா்த்தி, லோகு ஆகிய இருவரையும் கைது செய்து சிறையிலடைத்தனா். மேலும், அவா்களிடமிருந்த 5 கிலோ கஞ்சாவை பறிமுதல் செய்தனா்.

அவலூா்பேட்டையில்...இதேபோல் விழுப்புரம் மாவட்டம், அவலூா்பேட்டை அருகே விற்பனைக்காக கஞ்சா வைத்திருந்த திருவண்ணாமலை மாவட்டம், மன்னம்பட்டி மதுராவைச் சோ்ந்த மூ.அருண் (26), அவலூா்பேட்டை அருந்ததியா் தெருவைச் சோ்ந்த மு.வெங்கடேஸ்வரன் (25) ஆகிய இருவரையும் அவலூா் பேட்டை போலீஸாா் புதன்கிழமை கைது செய்து, அவா்கள் வசமிருந்த 2.15 கிலோ கஞ்சாவை பறிமுதல் செய்தனா்.