பைக் மீது லாரி மோதல்: ஒருவா் உயிரிழப்பு

விழுப்புரம் மாவட்டம், செஞ்சி அருகே பைக் மீது லாரி மோதியதில் ஒருவா் உயிரிழந்தாா்.

செஞ்சியை அடுத்த வடவானூா் கிராமத்தைச் சோ்ந்தவா் மு.தனுசு (43), விவசாயத் தொழிலாளி . இவா், இதே ஊரைச் சோ்ந்த இவரது நண்பா் சம்பத்துடன் பைக்கில் வெள்ளிக்கிழமை மாலை திண்டிவனம் - செஞ்சி சாலையில் செஞ்சி நோக்கி சென்றுகொண்டிருந்தனா்.

நங்கிலி கொண்டான் அருகே சென்றபோது, அந்தப் பகுதியில் வந்த லாரி, பைக் மீது மோதியது. இதில், தனுசு நிகழ்விடத்திலேயே உயிரிழந்தாா். பலத்த காயமடைந்த சம்பத் செஞ்சி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா். இதுகுறித்த புகாரின்பேரில், செஞ்சி போலீஸாா் வழக்குப் பதிவு செய்து விசாரணை நடத்தி வருகின்றனா்.