இந்தியன் ஆயில் நிறுவனம் சார்பில் விழாக்கால கொண்டாட்டம்

டிஜிட்டல் பரிவர்த்தனையை ஊக்கப்படுத்தும் நோக்கில், இந்தியன் ஆயில் நிறுவனம் சார்பில், விழாக்கால கொண்டாட்டம் ஞாயிற்றுக்கிழமை (டிச.23) தொடங்கி பிப்ரவரி 22-ஆம் தேதி வரை நடைபெறவுள்ளது.
இந்தியன் ஆயில் நிறுவனம் மற்றும் கோல்கேட் நிறுவனம் சார்பில், விழாக்கால கொண்டாட்டம் சென்னையில் உள்ள இந்தியன் ஆயில் நிறுவனத்தின் சில்லறை விற்பனை நிலையங்களில் நடைபெறுகிறது. இந்தியன் ஆயில் நிறுவன பெட்ரோல் விற்பனை நிலையங்களில் எரிபொருள் நிரப்பும் வாடிக்கையாளர்கள் 98214 35506 என்ற எண்ணுக்கு மிஸ்டு கால் கொடுக்கவேண்டும். அதில் ஒரு லிங்க் வாடிக்கையாளர்களுக்கு அனுப்பப்படும். அதில் சில விவரங்களை நிரப்பவேண்டும். இதில் அனுப்பும் பதில்கள் அடிப்படையில் வாடிக்கையாளர்கள் தேர்வுசெய்யப்படுவார்கள். அவர்களுக்கு கார், பைக், சிங்கப்பூர் சுற்றுலா, கேரளாவில் சுற்றுலா என்று பரிசுகள் வழங்கப்படும். 
இதுகுறித்து இந்தியன் ஆயில் நிறுவன சென்னை மண்டல சில்லறை விற்பனை பொதுமேலாளர் குமரவேல் கூறியது: வாடிக்கையாளர்களுக்கு திருப்தியளிக்கும் வகையில், தரமான மற்றும் சரியான அளவு பெட்ரோல், டீசல் வழங்கப்படுகிறது. இது தொடர்பாக இந்த பிரசாரத்தில் வலியுறுத்தப்படுகிறது. இதுதவிர, மத்திய அரசின் டிஜிட்டல் இயக்க கொள்கைக்கு ஆதரவு அளித்து பிரசாரம் மேற்கொள்ளப்படுகிறது. ரொக்கமற்ற பரிவர்த்தனையை பிரபலப்படுத்த பிரசாரம் மேற்கொள்ளப்படுகிறது என்றார் அவர்.