நெல்லையில் 102 டிகிரி வெயில்

திருநெல்வேலியில் சனிக்கிழமை 102 டிகிரி ஃபாரன்ஹீட் வெயில் பதிவானது.
திருநெல்வேலியில் கடந்த இரண்டு மாதங்களாக கடுமையான வெயில் நிலவி வருகிறது. தொடர்ச்சியாக 100 டிகிரி ஃபாரன்ஹீட்டுக்கு மேல் வெயில் சுட்டெரித்து வந்த நிலையில்,   வெள்ளிக்கிழமை வெயிலின் தாக்கம் சற்று குறைந்து 99 டிகிரி ஃபாரன்ஹீட் வெயில் பதிவானது. இந்த நிலையில் சனிக்கிழமை மீண்டும் வெயிலின் தாக்கம் அதிகரித்து 102 டிகிரி ஃபாரன்ஹீட் வெயில் பதிவானது. கேரளத்தில் தென் மேற்குப் பருவமழை தொடங்குவதற்கான அறிகுறிகள் தென்பட ஆரம்பித்துள்ளதால், அடுத்த வாரம் முதல் வெயிலின் தாக்கம் படிப்படியாக குறையலாம் என எதிர்பார்க்கப்படுகிறது.