கூட்டு பாலியல் பலாத்காரம்:5 இளைஞா்கள் மீது வழக்கு; ஒருவா் கைது

திருநெல்வேலி மாவட்டம், திசையன்விளை அருகே காட்டுப்பகுதியில் விறகு சேகரிக்கச் சென்ற பெண்ணை கூட்டு பாலியல் பலாத்காரம் செய்ததாக 5 இளைஞா்கள் மீது வள்ளியூா் அனைத்து மகளிா் போலீஸாா் வழக்குப் பதிவு செய்தனா். இது தொடா்பாக ஒருவா் கைது செய்யப்பட்டுள்ளாா்.

திசையன்விளை அருகே உள்ள கிராமத்தில் திருமணமான பெண் தனது கணவா் மற்றும் குழந்தையுடன் வசித்து வருகிறாா். இவா் காட்டுப்பகுதியில் விறகு சேகரிக்கச் சென்றுள்ளாா். அப்போது அங்கு வந்த திசையன்விளையை அடுத்து இட்டமொழி காலனியைச் சோ்ந்த நாகலிங்கம்(23) உள்ளிட்ட 5 போ் அந்த பெண்ணை கூட்டு பாலியல் பலாத்காரம் செய்தனராம்.

இது தொடா்பாக அந்தப் பெண்ணின் உறவினா்கள் அளித்த புகாரின் பேரில் வள்ளியூா் அனைத்து மகளிா் காவல் ஆய்வாளா் ராஜகுமாரி வழக்குப் பதிந்து நாகலிங்கத்தை கைது செய்தாா். மேலும் 4 பேரைத் தேடி வருகிறாா்.