ஏடிபி டென்னிஸ்: சோம்தேவ் ஏமாற்றம்

துருக்கியின் தலைநகர் இஸ்தான்புல்லில் நடைபெற்று வரும் ஏடிபி சேலஞ்சர்ஸ் டென்னிஸ் போட்டியில் இந்தியாவின் சோம்தேவ் தேவ்வர்மன் மிகுந்த ஏமாற்றம் அளித்தார்.

அமெரிக்க ஓபனில் தகுதிச்சுற்று ஆட்டங்கள் 2இல் வெற்றி பெற்று 2-வது சுற்று வரை முன்னேறிய சோம்தேவ், இந்த ஆட்டத்தில் முதல் சுற்றிலேயே தோற்று போட்டியிலிருந்து வெளியேறினார்.

போட்டித் தரவரிசையில் 2-ம் இடத்தில் உள்ள சோம்தேவ், 2-6, 3-6 என்ற நேர் செட்களில் ரஷியாவின் கான்ஸ்டான்டினிடம் தோல்வியைத் தழுவினார். கான்ஸ்டான்டினுக்கு எதிராக சோம்தேவ் தற்போதுதான் முதன் முதலாக விளையாடியுள்ளார்.

திவிஜ்-ராஜா ஜோடி தோல்வி: லக்சம்பர்கில் நடைபெற்று வரும் டென்னிஸ் போட்டியின் ஆடவர் இரட்டையர் பிரிவு முதல் சுற்றில் இந்தியாவின் திவிஜ் சரண்-புரவ் ராஜா ஜோடி 3-6, 3-6 என்ற நேர் செட்களில் ஆஸ்திரியாவின் மேக்ஸிமிலன்-எஸ்டோனியாவின் ஜர்ஜென் úஸாப் ஜோடியிடம் தோல்வியைத் தழுவியது.

திவிஜ் சரணும், அமெரிக்க ஓபன் இரட்டையர் பிரிவில் காலிறுதிக்கு முந்தைய சுற்று வரை முன்னேறி அசத்தியது குறிப்பிடத்தக்கது.