அசத்தலான கமலின் ‘தூங்காவனம்’ போஸ்டர்!

தூங்காவனம் படத்தின் விளம்பர வேலைகள் தொடங்கிவிட்டன.

கமல் ஹாசன், த்ரிஷா, பிரகாஷ் ராஜ் நடிப்பில் உருவாகும் தூங்காவனம் படத்தை கமலிடம் உதவி இயக்குநராக இருந்த ராஜேஷ் எம். செல்வா இயக்குகிறார். இந்தப் படம் தமிழ், தெலுங்கு மொழிகளில் உருவாகிறது. ஜிப்ரான் இசையமைக்கிறார்.

இன்று படத்தின் ஃபர்ஸ்ட் லுக் போஸ்டரும் டிரெய்லரும் வெளியிடப்படுவதாகச் சொல்லப்பட்டது. அதைத் தொடர்ந்து தூங்காவனம் படத்தின் போஸ்டர் வெளியிடப்பட்டுள்ளது. கமலின் முகத்தில் த்ரிஷா தாக்குவது போன்ற காட்சியுடன் போஸ்டர் வெளியாகியுள்ளது. இது ஒரு ஆக்‌ஷன் படம் என்கிற அடையாளத்தை அது தருகிறது. இணையத்தில் இந்த போஸ்டருக்குப் பலத்த ஆதரவு கிடைத்துள்ளது.