பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணா போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவான படம் - பாகுபலி. இதனை இயக்கியவர், ராஜமெளலி.
ரூ. 600 கோடி வரை வசூலித்து பல சாதனைகளைச் செய்த பாகுபலியின் 2-ம் பாகமான, 'பாகுபலி தி கன்க்ளூஷன்’ ஏப்ரல் 28 அன்று வெளிவருகிறது.
இந்நிலையில் அதற்கு முன்பு பாகுபலி 1 படத்தை மீண்டும் வெளியிட்டுள்ளார்கள். இன்று இந்தியாவில் பாகுபலி 1, ஆயிரம் திரையரங்குகளில் வெளியாகியுள்ளது. ஹிந்தியில் இப்படத்தை இயக்குநர் கரண் ஜோஹர் வெளியிடுகிறார்.
ஒரு படம் மீண்டும் வெளியாகும்போது அதிகபட்சமாக 100 திரையரங்குகள் கிடைத்தாலே பெரிய விஷயம். ஆனால் இந்தப் படம் 1000 திரையரங்குகளில் வெளியாவது இதுவரை இந்திய சினிமா காணாத ஒரு சாதனை என்றே அறியப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.