அக்‌ஷய் குமார் பட டிரெய்லரைப் பாராட்டிய மோடி!

அக்‌ஷய் குமார் நடிப்பில் வெளிவரவுள்ள டாய்லெட் ஏக் பிரேம் கதா (Toilet Ek Prem Katha) படத்தின் டிரெய்லர் சமீபத்தில் வெளியிடப்பட்டது.

இந்த டிரெய்லரை பிரதமர் மோடிக்கு ட்விட்டரில் டேக் செய்திருந்தார் அக்‌ஷய் குமார். தூய்மை இந்தியா திட்டத்துக்கான என்னுடைய சிறிய பங்களிப்பு என்று அதில் அவர் குறிப்பிட்டிருந்தார். இதையடுத்து படத்தின் டிரெய்லரைப் பாராட்டி மோடி, ட்விட்டரில் கூறியுள்ளதாவது:

தூய்மை குறித்த கூடுதல் விழிப்புணர்வை அக்‌ஷர் குமாரின் படம் ஏற்படுத்துகிறது. தூய்மை இந்தியா திட்டத்துக்காக இந்தியாவிலுள்ள 125 கோடி மக்களும் ஒன்றிணைந்து பணியாற்ற வேண்டும் என்று மோடி கூறியுள்ளார்.

ஆகஸ்ட் 11-ம் தேதி திரைக்கு வரவுள்ள இப்படத்தை ஸ்ரீ நாராயண் சிங் இயங்கியுள்ளார். இப்படத்தில் பூமி பெட்னேகர், அனுபம் கெர் போன்றோர் நடித்துள்ளார்கள். 

தூய்மை இந்தியா என்கிற ஸ்வ்ச் பாரத் திட்டம் பிரதமர் நரேந்திர மோடியால் தொடங்கிவைக்கப்பட்டது. தூய்மை இந்தியா திட்டத்தின் மூலம் 2019-க்குள் திறந்தவெளியில் மலம் கழிக்கும் நடைமுறை இல்லாத சுகாதாரமான சமூகத்தை உருவாக்கத் திட்டமிடப்பட்டுள்ளது. தேச மேம்பாட்டுக்கும், வீணாகும் குப்பைகளை ஆக்கப்பூர்வமாகப் பயன்படுத்தவும் இந்தத் திட்டம் வழிவகுக்கும்.