விவசாயிகள் வேண்டாம் என்று சொன்னால் வேண்டாம்தான்: இயக்குநர் கார்த்திக் சுப்புராஜ்

ஹைட்ரோ கார்பன் எனும் பெயரில் நெடுவாசல் கிராமத்தில் இயற்கை எரிவாயு எடுக்கும் திட்டத்துக்கு கடந்த 15-ம் தேதி மத்திய அரசு அனுமதி அளித்தது. இதையடுத்து, நெடுவாசல் எரிவாயு எடுக்கும் திட்டத்தை கைவிட வலியுறுத்தி புதுக்கோட்டைப் பகுதிகளில் போராட்டங்கள் நடைபெற்று வருகின்றன.

இந்த விவகாரம் குறித்து இயக்குநர் கார்த்திக் சுப்புராஜ் ட்விட்டரில் கூறியதாவது: விவசாயிகள் வேண்டாம் என்று சொன்னால் வேண்டாம்தான். ஹைட்ரோ கார்பன் திட்டம் நிறுத்தப்படவேண்டும். நெடுவாசல் காப்பாற்றப்படவேண்டும் என்று கூறியுள்ளார்.