குரோம்பேட்டை வெற்றி திரையரங்கின் அரையாண்டு வசூல் நிலவரம்: டாப் 6 பட்டியலில் காலா!

ரஜினி நடித்த காலா படம் எங்களுக்கு லாபத்தை அளித்தது என்று சமீபத்தில் பதிவு செய்தார்...

Updated On :9 ஜூலை 2018, 9:09 am

சென்னை குரோம்பேட்டையில் உள்ள புகழ்பெற்ற வெற்றி திரையரங்கில், இந்த வருடம் ஜனவரி முதல் ஜூன் வரையிலான டாப் 6 பட்டியல் வெளியிடப்பட்டுள்ளது. வெற்றி திரையரங்கின் நிர்வாக இயக்குநர் ராகேஷ் கெளதமன் ட்விட்டரில் இத்தகவலை வெளியிட்டுள்ளார்.

சூர்யா நடித்த தானா சேர்ந்த கூட்டம் படம் ஆச்சர்யமாக முதலிடத்தைப் பிடித்துள்ளது. சுந்தர் சி இயக்கிய கலகலப்பு 2 படம் 2-ம் இடம் பிடித்துள்ளது. ரஜினி நடித்த காலா படம் எங்களுக்கு லாபத்தை அளித்தது என்று சமீபத்தில் பதிவு செய்தார் ராகேஷ் கெளதமன். இந்நிலையில் அந்தப் படம் அதிக வசூல் கண்ட படங்களில் 5-ம் இடத்தைப் பிடித்துள்ளது.

வெற்றி திரையரங்கம் - 2018 ஜூன் வரை - டாப் 6 பட்டியல்

1. தானா சேர்ந்த கூட்டம்
2. கலகலப்பு 2
3. இனிஃபினிட்டி வார்
4. இரும்புத்திரை
5. காலா
6. டிக் டிக் டிக்