கடந்த 2003-ம் ஆண்டு விக்ரம், த்ரிஷா நடிப்பில் வெளிவந்த படம் சாமி. ஹரி இயக்கத்தில் வெளிவந்த இப்படம், வசூல் ரீதியாக பெரும் வெற்றியைப் பெற்றது. இதையடுத்து சாமி 2 (சாமி ஸ்கொயர்) படம் உருவாக்கப்பட்டுள்ளது. ஹரி இயக்கத்தில் விக்ரம், கீர்த்தி சுரேஷ், ஐஸ்வர்யா ராஜேஷ், பாபி சிம்ஹா, பிரபு, சூரி போன்றோர் இப்படத்தில் நடித்துள்ளார்கள். இசை - தேவி ஸ்ரீ பிரசாத்.
இந்நிலையில் சாமி 2 படப்பாடல்கள் நேற்று வெளியிடப்பட்டுள்ளன. இதில் படத்தில் ஜோடியாக நடித்துள்ள விக்ரமும் கீர்த்தி சுரேஷும் ஒரு பாடலைப் பாடியுள்ளார்கள்.
பாடல்கள் வெளியான கிட்டத்தட்ட இரு மாதம் கழித்து செப்டம்பர் 20-ல் சாமி 2 படம் வெளியிடப்படும் என்று அறிவிக்கப்பட்டுள்ளது.