அம்மாவுடன் மேடையேறியபோது படபடப்பாக உணர்ந்தேன்: விருது பெற்ற டிடி உருக்கம்! (படங்கள்)

ஃபெமினா இந்தியா நிறுவனம் இந்த வருடம் 10 பெண்களுக்கு சிறந்த மகள் (சூப்பர் டாட்டர்) என்கிற விருதை அளித்துள்ளது. இதற்கான விழா ஞாயிறன்று சென்னையில் நடைபெற்றது. வரலட்சுமி, உத்ரா உன்னிகிருஷ்ணன், ஜெயவீணா, டிடி என்கிற திவ்யதர்ஷிணி, நைனிகா உள்ளிட்ட 10 பேர் தங்கள் பெற்றோருடன் வந்து விருதைப் பெற்றுக்கொண்டார்கள். இந்த விழாவில் தங்களைச் சிறப்பாக வளர்த்ததற்காகப் பெற்றோருக்கு மகள்கள் விருது வழகுவது போன்று ஒரு ஏற்பாடு செய்யப்பட்டிருந்தது. 

இந்த விருதைத் தன் தாயுடன் வந்து பெற்றுகொண்ட டிடி, ட்விட்டரில் தெரிவித்ததாவது: இந்த விருதை அளித்த ஃபெமினா இந்தியாவுக்கு நன்றி. என் தாயுடன் மேடையேறியபோது படபடப்பாக இருந்தது. என் தாய்க்கு மரியாதை அளித்ததற்கு மிக்க நன்றி என்று கூறி விழாவின் புகைப்படங்களையும் பகிர்ந்துள்ளார்.