சூது கவ்வும், நேரம், காக்கா முட்டை, ஆரஞ்சு மிட்டாய், ஒரு நாள் கூத்து உள்ளிட்ட பல படங்களில் காமெடி மற்றும் குணசித்திர வேடங்களில் நடித்து வருபவர் ரமேஷ் திலக். ரேடியோ ஜாக்கியாக கலக்கிக் கொண்டிருந்தவர் வெள்ளித் திரையில் நடிக்கத் தொடங்கி ரசிகர்களின் கவனத்தைப் பெற்றார்.
ஒரு நாள் கூத்து திரைப்படத்தில் ஆர்ஜேவாகவே நடிகை ரித்திகாவுடன் நடித்திருப்பார் ரமேஷ் திலக். அப்படம் அவருக்கு நல்ல பெயரைப் பெற்றுத் தந்தது. திரையில் ஆர்ஜேவை காதலித்த ரமேஷ் திலக்கின் மனத்தைக் கவர்ந்தவர் ஒரு ஆர்ஜே தான்.
சன் ம்யூசிக்கில் பணிபுரியும் ஆர்ஜே நவலட்சுமி. கோலிவுட்டின் பிரபல ஃபைட் மாஸ்டர் ராம்போ ராஜ்குமாரின் மகள்தான் நவலட்சுமி. ரமேஷ் திலக்கும் நவலட்சுமியும் காதலித்து வருவதை அறிந்த அவர்களது பெற்றோர், திருமணத்திற்கு சம்மதம் தெரிவிக்க, கடந்த 2017 ஆண்டு இவர்களது திருமன நிச்சயதார்த்தம் நடந்தது.
இன்று (மார்ச் 3, 2018) காலை பெசண்ட் நகர் முருகன் கோவிலில் நெருங்கிய உறவினர் மற்றும் நண்பர்கள் ஆசியுடன் இவர்களின் திருமணம் நடைபெற்றது.
இவர்களது திருமண புகைப்படங்கள் சில :
**
**
**
**
**
