20 வருடத் திருமண வாழ்க்கைக்குப் பிறகு மனைவியைப் பிரிந்த பிரபல ஹாலிவுட் நடிகர்!

பிரபல ஹாலிவுட் நடிகர் ராபர்ட் டி நிரோ 20 வருடத் திருமண வாழ்க்கைக்குப் பிறகு தனது மனைவியைப் பிரிந்துள்ளார். 

காட்ஃபாதர் 2, மீன் ஸ்டீரிட்ஸ், டாக்ஸி டிரைவர், ரேஜிங் புல், கேப் ஃபியர் குட்ஃபெலாஸ் போன்ற படங்களில் நடித்து புகழ்பெற்றவர் ராபர்ட் டி நிரோ. காட்ஃபாதர் 2, ரேஜிங் புல் படங்களுக்காக ஆஸ்கர் விருதை வென்றுள்ளார்.

1976-ல் டயானே அபாட்டைத் திருமணம் செய்தார் ராபர்ட் டி நிரோ. 1988-ல் இருவரும் விவாகரத்து செய்தார்கள். 10 வருடக் காதலுக்குப் பிறகு 1997-ல் கிரேஸ் ஹைடவரைத் திருமணம் செய்தார். அடுத்த இரு வருடங்களில் இவர்கள் பிரிந்தார்கள். பிறகு 2004 முதல் மீண்டும் இணைந்து வாழ ஆரம்பித்தார்கள். இவர்களுக்கு இரு குழந்தைகள் உண்டு. 

இந்நிலையில் இருவரும் மீண்டும் பிரிந்துள்ளார்கள். 75 வயதான ராபர்ட் டி நிரோ, 63 வயது மனைவியைப் பிரிந்துள்ளதாகத் தகவல்கள் வெளியாகியுள்ளன. இருவரும் தனித்தனியாக வாழ்வதாக உறவினர்கள் கூறியுள்ளார்கள். எனினும் ராபர்ட் டி நிரோ தரப்பு இதுகுறித்து எதுவும் கருத்து தெரிவிக்கவில்லை.