மணி ரத்னம் தயாரிக்கும் வானம் கொட்டட்டும் என்கிற படத்தில் விக்ரம் பிரபு, மடோனா செபாஸ்டியன் ஆகியோர் நடிக்கிறார்கள். தயாரிப்பதுடன் இந்தப் படத்துக்கு கதை, வசனம் எழுதியுள்ளார் மணி ரத்னம்.
2017-ல் வெளியான கவன், பா பாண்டி படங்களுக்குப் பிறகு தமிழில் மடோனா கதாநாயகியாக நடிக்கும் இரண்டு படங்களில் இதுவும் ஒன்று. சசிகுமார் நடிக்கும் கொம்பு வைச்ச சிங்கமடா படத்திலும் அவர் கதாநாயகியாக நடிக்கிறார்.
விக்ரம் பிரபுவின் சகோதரியாக ஐஸ்வர்யா ராஜேஷ் நடிக்கிறார். 20 வருடங்களுக்குப் பிறகு கணவன், மனைவி கதாபாத்திரத்தில் நடிக்கிறார்கள் சரத் குமாரும் ராதிகாவும். இசை - கோவிந்த் வசந்தா.
படைவீரன் படத்தை இயக்கிய தன சேகரன் இப்படத்தை இயக்குகிறார். மணி ரத்னத்திடம் உதவி இயக்குநராக இவர் பணியாற்றியுள்ளார். ஜூலை முதல் படப்பிடிப்பு தொடங்கவுள்ளது.