ட்விட்டரில் இணையுங்கள்: அஜித்துக்கு கோரிக்கை வைத்த ட்விட்டர் நிறுவன அதிகாரி

நடிகர் அஜித் எந்தவொரு சமூகவலைத்தளங்களிலும் இல்லை. எனினும் ட்விட்டரில் அவருடைய ரசிகர்கள் ஏராளமானோர் உள்ளார்கள்.

அஜித் படங்களின் டிரெய்லர், போஸ்டர்கள் வெளிவரும்போது ட்விட்டர் டிரெண்டிங்கில் அவை தான் முன்னணியில் இருக்கும். இந்நிலையில் நடிகர் அஜித், ட்விட்டரில் இணையவேண்டும் என்று ட்விட்டர் இந்தியாவின் பார்ட்னர்ஷிப்ஸ் மேலாளர் செரில் ஆன் கோடோ கோரிக்கை விடுத்துள்ளார்.

ஆங்கில நாளிதழ் ஒன்றுக்கு அளித்த பேட்டியில் அவர் கூறியதாவது:

அஜித்தின் படங்கள் பற்றி ட்விட்டரில் ரசிகர்கள் அதிகம் உரையாடுகிறார்கள், அதிகம் பகிர்கிறார்கள். எனவே நடிகர் அஜித் ட்விட்டரில் இருக்கவேண்டும் என விரும்புகிறோம் என்று கூறியுள்ளார்.