ஐஸ்வர்யா ராஜேஷின் 25-வது படம்!

2010-ல் நீதானா அவன் படம் மூலமாகத் தமிழ்த் திரையுலகில் அறிமுகமானவர், ஐஸ்வர்யா ராஜேஷ். 2015-ல் வெளியான காக்கா முட்டை படம் பெரிய திருப்புமுனையாக அமைந்தது. அதன்பிறகு ஒவ்வொரு வருடம் ஏராளமான படங்களில் நடித்து வருகிறார்.

தற்போது, ஐஸ்வர்யா ராஜேஷின் 25-வது படத்தை இயக்குநர் கார்த்திக் சுப்புராஜ் தயாரிக்கிறார். பூமிகா என்று பெயரிடப்பட்டுள்ள இப்படத்தை ரதிந்திரன் இயக்குகிறார். ஒளிப்பதிவு - ராபர்ட், இசை - ப்ரித்வி சந்திரசேகர். இதற்கு முன்பு அஸ்வின், ஐஸ்வர்யா ராஜேஷ் நடிப்பில் இது வேதாளம் சொல்லும் கதை என்கிற படத்தை ரதிந்திரன் இயக்கியுள்ளார். 

பூமிகா படம் பற்றிய அதிகாரபூர்வ அறிவிப்பு வெளியாகியுள்ளது.