விஜய் சேதுபதி, இயக்குநர் கௌதம் நடிப்பில் 'குட்டி ஸ்டோரி': பிப். 12-இல் வெளியீடு

நடிகர் விஜய் சேதுபதி, இயக்குநர் கௌதம் வாசுதேவ் உள்ளிட்டோர் நடிப்பில் 4 இயக்குநர்களின் இயக்கத்தில் உருவாகியுள்ள குட்டி ஸ்டோரி திரைப்படம் பிப்ரவரி 12-இல் வெளியாகிறது.

இயக்குநர்கள் கௌதம் வாசுதேவ், விஜய், வெங்கட் பிரபு மற்றும் நலன் குமாரசாமி ஆகிய 4 இயக்குநர்களின் 4 கதைகளைக் கொண்ட படம் குட்டி ஸ்டோரி. முழுக்க முழுக்க காதலை மையமாகக் கொண்டு எடுக்கப்பட்டுள்ள படமாகத் தெரிகிறது. தயாரிப்பாளர் ஐசரி கணேஷ் இதைத் தயாரித்துள்ளார்.

இந்தப் படத்தின் பர்ஸ்ட் லுக் போஸ்டர் திங்கள்கிழமை மாலை வெளியிடப்பட்டது. 4 கதைகளில் கௌதம் வாசுதேவ், விஜய் சேதுபதி உள்ளிட்டோர் நடித்துள்ளனர்.

இத்திரைப்படம் வரும் 12-ம் தேதி திரையரங்குகளில் வெளியாகவுள்ளதாக படக் குழு அறிவிக்கப்பட்டுள்ளது.