காசேதான் கடவுளடா படம் 1972-ல் வெளியாகி தமிழ் ரசிகர்களின் மகத்தான வரவேற்பைப் பெற்றது. சித்ராலயா கோபு இயக்கத்தில் முத்துராமன், தேங்காய் சீனிவாசன், ஸ்ரீகாந்த், வெண்ணிற ஆடை மூர்த்தி, லட்சுமி, மனோரமா நடித்த படம் நகைச்சுவைக் காட்சிகளுக்காக இன்றைக்கும் ரசிகர்களின் நினைவில் உள்ளது. ஜம்புலிங்கமே ஜடாதரா, மெல்ல பேசுங்கள் போன்ற அபாரமான பாடல்களும் அப்படத்தில் இருந்தன.
இந்நிலையில் காசேதான் கடவுளடா படம் ரீமேக் ஆகிறது. மிர்ச்சி சிவா இயக்கத்தில் ஆர். கண்ணன் இயக்குகிறார். முத்துராமன் கதாபாத்திரத்தில் சிவா, தேங்காய் சீனிவாசன் கதாபாத்திரத்தில் யோகி பாபு, மனோரமா கதாபாத்திரத்தில் ஊர்வசி நடிக்கிறார்கள். படத்தை இயக்குவதோடு தயாரிக்கவும் உள்ளார் ஆர். கண்ணன். படப்பிடிப்பு இந்த மாதம் முதல் தொடங்கவுள்ளது.
சந்தானம் நடித்த பிஸ்கோத் படத்தை இயக்கிய ஆர். கண்ணன் அடுத்ததாக அதர்வா நடிப்பில் தள்ளிப் போகாதே படத்தையும் இயக்கியும் தி கிரேட் இந்தியன் கிட்சன் என்கிற மலையாளப் படத்தை ரீமேக் செய்தும் வருகிறார்.