திரையரங்குகளில் வெளியாகும் அக்‌ஷய் குமார் படம்: வெளியீட்டுத் தேதி அறிவிப்பு

ரஞ்சித் எம். திவாரி இயக்கத்தில் அக்‌ஷய் குமார், வாணி கபூர், ஹியூமா குரேஷி, லாரா தத்தா நடித்துள்ள படம் - பெல் பாட்டம். மே 28 அன்று வெளிவருவதாக இருந்த இந்தப் படத்தின் வெளியீடு கரோனா பரவல் காரணமாக ஒத்திவைக்கப்பட்டது.

ஆகஸ்ட் 15 அன்று அக்‌ஷய் குமார் நடித்த சூர்யவன்ஷி, பெல் பாட்டம் ஆகிய இரு படங்களும் வெளியாவதாகத் தகவல்கள் வெளியாகின. எனினும் இதை மறுத்து அறிக்கை வெளியிட்டார் அக்‌ஷய் குமார்.

இந்நிலையில் பெல் பாட்டம் படம் ஜூலை 27 அன்று திரையரங்குகளில் வெளியாகும் என இன்று அறிவிக்கப்பட்டுள்ளது.