தடகள முன்னாள் வீராங்கனை சாந்தி செளந்தரராஜன், 2006 ஆசிய விளையாட்டுப் போட்டியில் வெள்ளிப் பதக்கம் வென்றார். எனினும் பாலினப் பரிசோதனையில் தோல்வியடைந்ததால் அவருக்கு வழங்கப்பட்ட வெள்ளிப் பதக்கம் திரும்பப் பெறப்பட்டது.
இந்நிலையில் சாந்தி செளந்தராஜனின் வாழ்க்கை, அவர் பெயரிலேயே திரைப்படமாக உருவாகவுள்ளது. ஜெயசீலன் தவப்புதல்வி இப்படத்தை இயக்குகிறார்.
சாந்தி செளந்தரராஜன் படத்துக்கு ஜிப்ரான் இசையமைக்க, ஆஸ்கர் விருது வென்ற ரசூல் பூக்குட்டி ஒலி வடிவமைப்பு செய்கிறார். ஒளிப்பதிவு - கோபிநாத் டி. தேவ், பாடல்கள் - யுகபாரதி.
இப்படத்தின் படப்பிடிப்பு இன்று முதல் தொடங்கவுள்ளதாக அறிவிக்கப்பட்டுள்ளது.
